އެމެރިކާއިން އެގައުމުގެ މިނިވަން ދުވަސް ފާހަގަ ކުރަނީ

އެމެރިކާގެ އެތައް މިލިއަން ބަޔަކު އެގައުމުގެ އެކި ކަންކޮޅުތަކުގައި އެ ގައުމުގެ މިނިވަން ދުވަސް ފާހަގަކުރަމުން އެބަދެއެވެ.

ޕެރޭޑްތަކާއި ކެއްކުންތަކާއިއެކު މި ދުވަސް ފާހަގަ ކުރާއިރު ސިޔާސީ ކޮޅިގަނޑުގެ މެދުގައިވާ ގޮނޑުދޮށްވެސް އަލުން ވަނީ ހުޅުވާފައެވެ.

ޖުލައި މަހު 4 ވަނަ ދުވަސް ބަންދު ދުވަހެއްގެ ގޮތުގައި ފާހަގަ ކުރަނީ 1776 ވަނަ އަހަރު އެމެރިކާގެ 13 ރައްޔިތަކު، ދިރިހުރުމުގެ ހައްގާއި،މިނިވަންކަމާއި، އަދި އުފާފާޅުކުުރުމުގެ ހައްގު ރައްޔިތުންނަށް ލިބިގެންވާކަމަށް އިއުލާނުކޮށް މިނިވަންކަން އިއުލާނުކުރި ދުވަހުގެ ގޮތުގައެވެ.

ނަމަވެސް މި ދުވަހަކީ އެންމެން އެހާ ސީރިއަސްކޮށް ފާހަގަކުރާ ދުވަހެއް ނޫނެވެ.

މޮލީ ޝުއިލަރ ވަނީ މި މުނާސަބާ ފާހަގަކުރުމުގެ ގޮތުން ވޮޝިންގޓަންގައި ދިހަ މިނެޓްގެ ތެރޭގައި 21 ޒެޑް ބަރގަރ ކައިފައެވެ. މީގެ ކުރިންވެސް އެ ރެކޯޑް އޮންނަނީ އޭނާގެ އަތުގެއެވެ.

މި ދުވަހާ ގުޅިގެން ވަނީ ނިއު ޖަރޒީގައި އޮންނަ އައިލެންޑް ބީޗް ސްޓޭޓް ޕާކް އާއްމުންނަށް ހުޅުވާފައެވެ.

މި ބީޗް އެންމެ ކުރުކޮށް ފޮނިކޮށް އެނގޭނެ ގޮތަކީ ގަވަރނަރ ކްރިސް ކްރިސްޓީއާއި އޭނާގެ އާއިލާ އެތަނުގެ ވެލިގަނޑުމަތީ އިރުގެ ހޫނުކަން ހޯއްދެވުމަށް ތިއްބަވަނިކޮށް ފޮޓޯނަގާފައިވާ މައްސަލައިގައެވެ.

އެ ގަވަރަނަރ ވަނީ ދައުލަތުގެ ބަޖެޓްގެ ދަތިކަމާއެކު އާއްމުންނަށް އެ ބީޗް ބަންދުކޮށްފައެވެ.

ރައީސް ޑޮނަލްޑް ޓްރަމްޕްވެސް ވަނީ ނިއު ޖަރޒީގެ ބެޑްމިންސްޓަރގައި އޮންނަ އެ މަނިކުފާނުގެ ގޮލްފް ކޯސްގައި ހުންނެވުމަށްފަހު މި ދުވަސް ފާހަގަ ކުރެއްވުމަށްޓަކައި ވައިޓް ހައުސްއަށް ވަޑައިގެންފައެވެ.