ކެޕްޓަންކަން އެމްބާޕޭ އަށް، ކީޕަރަކަށް މައިނަން

ފްރާންސްގެ އައު ކެޕްޓަނަކަށް ފޯވަޑް ކީލިއަން އެމްބާޕޭ ހަމަޖައްސަން ކޯޗު ޑިޑިއޭ ޑެޝޯން ނިންމައިފި އެވެ.

އެންމެ ފަހުގެ ވޯލްޑްކަޕުގެ ފައިނަލް ކުޅުނު ގައުމުގެ ކެޕްޓަންކަން ހުސްވީ ގޯލްކީޕަރު އަދި ކެޕްޓަން ހޫގޯ ލޮރިސް ރިޓަޔާކުރުމުންނެވެ. ލޮރިސް އަކީ 2028 ވަނަ އަހަރުގެ ވޯލްޑްކަޕް ފްރާންސަށް ކާމިޔާބުކޮށްދިން ކެޕްޓަނެވެ.

ފްރާންސްގެ ކެޕްޓަކަންދޭނެ ކަމަށް ކުރިން ގިނަ ބަޔަކު ދެކެމުން އައީ ފޯވަޑް އެންޓޮއިން ގްރިއެޒްމަން އެވެ. ނަމަވެސް ފްރާންސްގެ މީޑިޔާތަކުން ބުނަނީ އެމްބާޕޭ އަށް ކެޕްޓަންކަންދޭން ނިންމީ ޑެޝޯން ވަރަށް ބޮޑަށް ވިސްނުމަށްފަހު ކަމަށެވެ.

2018 ވަނަ އަހަރުގެ ވޯލްޑްކަޕުގެ އެންމެ މޮޅު ޒުވާން ކުޅުންތެރިޔާގެ މަގާމު ހޯދައި 2022 ވަނަ އަހަރުގެ ވޯލްޑްކަޕުގެ ރަންބޫޓު ހާސިލްކުރި އެމްބާޕޭ ވަނީ ފްރާންސަށް 65 މެޗުން 36 ގޯލު ޖަހައިދީފަ އެވެ. އަދި ފްރާންސްގެ ނޫސްތަކުން ބުނަނީ ދެ ވަނަ ވިސްނުމެއްނެތި 24 އަހަރުގެ ފޯވަޑް ކެޕްޓަންކަން ގަބޫލުކުރާނެ ކަމަށެވެ.

ކޯޗު ޑެޝޯން ވަނީ އެއްވަނަ ކީޕަރަކީ އޭސީ މިލާންގެ ކީޕަރު މައިކް މައިނަންކަން އިއުލާނުކޮށްފަ އެވެ.