ޖޭޕީގެ ފަރާތުން ރިޔާސީ އިންތިޚާބުގައި ކުރިމަތިލާން ބޭނުންވާ ފަރާތްތަކަށް ފުރުސަތު ހުޅުވާލައިފި
ޖޭޕީން ވަނީ ވަކިން އޮވެ ރިޔާސީ އިންތިޚާބުގައި ވާދަކުރުމަށް ނިންމާފައި
ޖުމްހޫރީ ޕާޓީގެ ކޮންގްރެސް
ޖުމްހޫރީ ޕާޓީގެ ފަރާތުން ކުރިއަށް އޮތް ރިޔާސީ އިންތިޚާބުގައި ކުރިމަތިލާން ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.
މާރޗް 14 ވަނަ ދުވަހު ކުރިއަށްދިޔަ ޖުމްހޫރީ ޕާޓީގެ 151 ވަނަ ކައުންސިލް ބައްދަލުވުމުގައި ވަނީ ރިޔާސީ އިންތިޚާބުގައި އެ ޕާޓީން ވަކިން ވާދަ ކުރުމަށް ނިންމާފައެވެ.
މިއާއެކު ބުރާސްފަތި ދުވަހު ޖޭޕީން ވަނީ ރިޔާސީ އިންތިޚާބުގައި އެ ޕާޓީގެ ފަރާތުން ކުރިމަތިލާން ބޭނުންވާ ފަރާތްތަކަށް އެ ފުރުސަތު ހުޅުވާލާފައެވެ. ޖޭޕީން ބުނީ ރައީސުލްޖުމްހޫރިއްޔާގެ ކިބައިގައި ހުންނަންވާނެ ކަމަސް ގާނޫނުއަސާސީއާއި ގާނޫނުގައި ކަނޑައަޅާފައިވާ ޝަރުތުތައް ފުރިހަމަވާ މެންބަރުންނަށް އެ ފުރުސަތު ހުޅުވާލާފައިވާކަމަށެވެ.
މާރޗް 30 ވާ ބުރާސްުފަތި ދުވަހުގެ މެންދުރު 12:00 ގެ ނިޔަލަށް މި ފުރުސަތު ހުޅުވާލާފައިވާކަމަށް ޖޭޕީން ބުނެއެވެ.
ޖޭޕީގެ ފަރާތުން ރިޔާސީ އިންތިޚާބުގައި ކުރިމަތިލާނެ ކެންޑިޑޭޓަކު ކަނޑައަޅާނީ ޕްރައިމަރީއެއްގެ ތެރެއިން ކަމަށް އެޕާޓީން ބުނެއެވެ. އެހެންނަމަވެސް ޕްރައިމަރީ އޮންނާނެ ތާރީޚު އަދި ހާމައެއް ނުކުރެއެވެ.
ޖެޕީން ރިޔާސީ އިންތިޚާބުގައި ވަކިން ވާދަކުރަން ނިންމާފައިވަނީ ކޯލިޝަން އެކުލަވާލުމަށް ރައީސް އިބްރާހީމް މުހައްމަދު ސާލިހު، ސަރުކާރުގެ ކޯލިޝަން ޕާޓްނަރުންނަށް ދައުވަތު ފޮނުއްވާފައިވަނިކޮށެވެ. ޖޭޕީއަކީ މިހާރު ސަރުކާރު ޕާޓްނަރެކެވެ.
