މައްސަލަ ހައްލުކޮށް އައިޖީއެމްއެޗް ލެބޯޓްރީގެ ޚިދުމަތް އަލުން ފަށައިފި
10 މާރިޗު 2023 | ހުކުރު 02:31ލެބޯޓްރީގެ ޚިދުމަތް މެދުކެނޑުނީ ދަރުމަވަންތަ ހޮސްޕިޓަލުގެ 9 ވަނަ ފަންގިފިލާގެ ފެނުގެ ނިޒާމަށް ދިމާވި މައްސަލައަކާ ގުޅިގެން
އައިޖީއެމްއެޗް
މައްސަލަ ހައްލުކޮށް ލެބޯޓްރީގެ ޚިދުމަތް ފަށާފައިވާ ކަމަށް އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)ން ބުނެފިއެވެ.
އައި.ޖީ.އެމް.އެޗްގެ ލެބޯޓްރީގެ ޚިދުމަތް މެދުކެނޑުނީ ދަރުމަވަންތަ ހޮސްޕިޓަލުގެ 9 ވަނަ ފަންގިފިލާގެ ފެނުގެ ނިޒާމަށް ދިމާވި މައްސަލައަކާއި ގުޅިގެންކަމަށް އެ ހޮސްޕިޓަލުން ބުނެއެވެ. އައި.ޖީ.އެމް.އެޗްއިން ކުރި ޓްވީޓެއްގައި ބުނީ ދަރުމަވަންތަ ހޮސްޕިޓަލު ހުންނަ އިމާރާތުގެ ފެނުގެ ނިޒާމަށް ދިމާވި މައްސަލަ ހައްލުކޮށް ލެބޯޓްރީގެ ޚިދުމަތް ފަށާފައިވާކަމަށެވެ.
މިމައްސަލަ ހައްލުވަންދެން، އެ ހޮސްޕިޓަލުގައި އެޑްމިޓް ކުރެވިފައިވާ މީހުންގެ ޓެސްޓުތައް ހުޅުމާލެ ހޮސްޕިޓަލުން ކުރެވޭނެ އިންތިޒާމްވަނީ ހަމަޖައްސާފައެވެ.
