ނިއުކާސަލް ޔުނައިޓެޑް 2-0 އިން ބަލިކޮށް ކަރަބޯކަޕް ފުޓްބޯޅަ މުބާރާތް ކާމިޔާބުކުރުމުގެ އުފާ އެތައް ހާސް ގުނައަކަށް މެންޗެސްޓާ ޔުނައިޓަށް ބޮޑުވެއްޖެ އެވެ.
މިއީ 2017 ވަނަ އަހަރުގެ ފަހުން ޔުނައިޓެޑަށް ލިބުނު ފުރަތަމަ ތައްޓެވެ. އަދި ކީޕަރު ޑޭވިޑް ޑެހަޔާ ފިޔަވައި ޓީމުގައި ތިބި ކުޅުންތެރިންނަށް ޔުނައިޓެޑްގެ ޖާޒީގައި ތައްޓެއް ލިބުނު ފުރަތަމަ ފަހަރެވެ. އަދި މިއީ މި ސީޒަން ފެށުމުގެ ކުރިން ޓީމާ ހަވާލުވި ކޯޗު އެރިކް ޓެންހަގަށް ވެސް ޔުނައިޓެޑްގައި ލިބުނު ފުރަތަމަ ތައްޓެވެ.
މިހެންވެ ޔުނައިޓެޑްގެ ކުޅުންތެރިންނާއި އޮފިޝަލުން އަދި ސަޕޯޓަރުން ވެސް ވަނީ މި ތަށި ލިބުމުގެ އުފާ ފާޅުކުރަމުންނެވެ.
ތަށި އުފުލާލުމަށްފަހު ކެޕްޓަން ބުރޫނޯ ފެނާންޑޭޒް ބުނީ ޔުނައިޓެޑްގެ ކުޅުންތެރިން ތިބީ އިތުރު ތަށިތަކެއް ހޯދަން ކެތްމަދުވެފައި ކަމަށެވެ.
މިއީ މިކުލަބަށް ފުދޭ ވަރެއްނޫން. މިއަށްވުރެ އިތުރު ތަށިތަކެއް ހޯދަން އަހަރުމެންމިތިބީ ކެތްމަދުވެފައި. އަހަރުމެންގެ އަމާޒަކީމި ކުލަބުގައި ގިނަ ކާމިޔާބީތަކެއް ހޯދުން. މި ދުވަސް އަހަރުމެންނާ ބައްދަލު ކުރުމުން ވަރަށްއުފާވެއްޖެ. މުޅި ޓީމު މިހާތަނަށް މަސައްކަތް ކުރަމުން އައީ ތައްޓެއް އުފުލާލާނެ ދުވަހަކަށް. މިކަން ހަގީގަތަކަށްވުމުން ވަރަށް އުފާވެއްޖެކެޕްޓަން ބުރޫނޯ ފެނާންޑޭޒް
އޭނާ އަދި ބުނީ މިވަރން މި ސީޒަނުގައި ވެސް ނުފުދޭނެ ކަމަށެވެ.
އަހަރެން އެކަނި ވަކި ވާހަކައެއްބުނާނަމަ ބުނެވޭނީ ތަށިތަކެއް ހޯދަން މިތިބީ ފެންބޮވައިގެންފައޭ. އަހަރުމެންނަށް މި ސީޒަނުގައި ވެސް މއީ ފުދޭވަރެއްނޫން އިތުރު ކާމިޔާބީތައް ހޯދުން އެއީ އަހަރުމެންގެ ހުރިހާ ވެސް ޓާގެޓަކީކެޕްޓަން ބުރޫނޯ ފެނާންޑޭޒް
މި މެޗުގައި ޔުނައިޓެޑަށް ގޯލު ޖަހައިދިނީ ފުރަތަމަ ހާފުގައި ކަސެމީރޯ އާއި މާކަސް ރަޝްފޯޑެވެ.
