ސީރިޔާއާއި ތުރުކީއަށް ޣިޔާސުއްދީން ސުކޫލް ދަރިވަރުންގެ ފަރާތުން 50،000 ރުފިޔާ
ތުރުކީ-ސީރިޔާ ބިންހެލުމުގައި މަރުވި މީހުންގެ އަދަދު ވަނީ 45،000ން މައްޗަށް ގޮސްފައި
ޣިޔާސުއްދީން ސްކޫލްގެ ދަރިވަރުންގެ ފަރާތުން ބައިލައްކަ ރުފިޔާ ތުރުކީ-ސީރިޔާގައި ހާލުގައިޖެހިފައިވާ މީހުންނަށް ހަދިޔާކުރުން
ތުރުކީއާއި ސީރިޔާއަށް އައި ބާރުގަދަ ބިންހެލުމުގައި ހާލުގައި ޖެހުނު މީހުންނަށް ޣިޔާސުއްދީން އިންޓަރނޭޝަނަލް ސްކޫލުގެ ދަރިވަރުންގެ ފަރާތުން 50،000 ރުފިޔާ ހަދިޔާކޮށްފިއެވެ.
އެ ސްކޫލުން ބުނީ ގްރޭޑް އަށަކާއި ނުވައެއްގެ ދަރިވަރުންގެ ފަރާތުން ހާލުގައި ޖެހުނު މީހުންނަށް ހަދިޔާކުރި 50،000 ރުފިޔާއަކީ، އެ ދަރިވަރުން 2019އާއި 2022ގައި ބޭއްވި އޭބީއީ ފެއާރއިން ލިބުނު ފައިސާ ކަމަށެވެ.
ޣިޔާސުއްދީންގެ ދަރިވަރުން އެ ފައިސާ ހަވާލުކޮށްފައިވަނީ ހާލުގައިޖެހޭ މީހުންނަށް އެހީވާ ދިވެހި ޖަމްއިއްޔާއެއް ކަމަށްވާ، އިންޓަރނޭޝަނަލް އެއިޑް ކެމްޕެއިން (އައިއޭސީ)އަށެވެ. އެ ޖަމްއިއްޔާއިން ދަނީ ތުރުކީއާއި ސީރިއާގެ ބިންހެލުމުގައި ހާލުގައިޖެހިފައިވާ މީހުންނަށް އެހީވާން ފަންޑު ހޯދުމުގެ މަސައްކަތްކުރަމުންނެވެ. އެ ފަންޑަށް 4.2 މިލިއަނަށްވުރެ ގިނަ ރުފިޔާ މިހާތަނަށް ވަނީ ލިބިފައެވެ. މީގެ އިތުރުން ދިވެހި ރެޑް ކްރެސެންޓުންވެސް ފަންޑެއްް ހުޅުވާފައިވާއިރު، އެ ފަންޑަށްވެސް 2.9 މިލިއަން ރުފިޔާ ލިބުނެވެ.
ތުރުކީއާއި ސީރިޔާގެ ބޯޑަރު ސަރަހައްދަށް އައި ބާރުގަދަ ބިންހެލުމުގައި މަރުވި މީހުންގެ އަދަދު ވަނީ 45,000އަށްވުރެ މައްޗަށް ގޮސްފައެވެ. ތުރުކީން މަރުވި މީހުންގެ އަދަދު 36،672އަށް އަރާއިރު، ސީރިއާއިން 5،800 މީހުން މަރުވެފައިވާކަމަށް ރިޕޯޓްތައް ބުނެއެވެ.
