ކ. މާލެ
|
23 ޖެނުއަރީ 2023 | ހޯމަ 07:19
ޑޯޓްމަންޑުން ކުޅުނު މެޗުގެ ތެރެއިން
ޑޯޓްމަންޑުން ކުޅުނު މެޗުގެ ތެރެއިން
ރޮއިޓާރސް
ޖަރުމަނު ލީގު
އޮގްސްބާގް އަތުން ޑޯޓްމަންޑަށް އުނދަގޫ މޮޅެއް
 
ޑޯޓްމަންޑުގެ އަމިއްލަ ދަނޑުގައި ކުޅުނު މެޗުން އެ ޓީމު މޮޅުވީ 4-3 އިން

ޖަރުމަނު ލީގުގައި އޮގްސްބާގާ ދެކޮޅަށް ކުޅުނު މެޗުން ބޮރޫޝިއާ ޑޯޓްމަންޑު އުނދަގޫ ގޮތަކަށް މޮޅުވެއްޖެ އެވެ.

މިއީ ފީފާ ވޯލްޑް ކަޕަށްފަހު ޖަރުމަނު ލީގުގައި ޑޯޓްމަންޑުން ކުޅުނު ފުރަތަމަ މެޗެވެ. ޑޯޓްމަންޑުގެ އަމިއްލަ ދަނޑުގައި ކުޅުނު މެޗުން އެ ޓީމު މޮޅުވީ 4-3 އިންނެވެ. މެޗުގައި އޮގްސްބާގުން ވަނީ ތިން ފަހަރަށް ނަތީޖާ ހަމަހަމަކޮށްފަ އެވެ. މެޗުގައި ފުރަތަމަ ލަނޑު ޖަހައި ޑޯޓްމަންޑަށް ކުރި ހޯދައިދިނީ ޒުވާން ކުޅުންތެރިޔާ ޖޫޑް ބެލިންހަމް އެވެ. އޮގްސްބާގުން ވަނީ މެޗުގެ 40 ވަނަ މިނެޓުގައި ނަތީޖާ ހަމަހަމަކޮށްފަ އެވެ. އެ ޓީމަށް ނަތީޖާ ހަމަހަމަކޮށްދިނީ މައިއާ އެވެ. ނަމަވެސް އޭގެ ދެ މިނެޓު ފަހުން ޑޯޓްމަންޑުގެ ނިކޯ ޝްލޮޓާބެކް ވަނީ އެ ޓީމުގެ ދެ ވަނަ ލަނޑު ޖަހައި ލީޑު ނަގައިދީފަ އެވެ. އޮގްސްބާގަށް ދެ ވަނަ ފަހަރަށް މެޗުގެ ނަތީޖާ ހަމަހަމަކޮށްދިނީ ފުރަތަމަ ހާފުގެ އިތުރު ވަގުތުގައި ޑެމިރޮވިޗް އެވެ. ދެ ވަނަ ހާފަށް ނުކުމެ ޑޯޓްމަންޑަށް ތިން ވަނަ ފަހަރަށް މެޗުގައި ލީޑު ނަގައިދިނީ ބިނޯއީ ގިޓެންސް އެވެ. ނަމަވެސް އެ ލީޑު ހިފެހެއްޓުނީ އެންމެ ދެ މިނެޓަށެވެ. އޮގްސްބާގުގެ ކޮލީނާ ވަނީ ލަނޑު ޖަހައި ތިން ވަނަ ފަހަރަށް އެ ޓީމަށް މެެޗުގެ ނަތީޖާ ހަމަހަމަކޮށްދީފަ އެވެ. މެޗުން ޑޯޓްމަންޑު މޮޅުކޮށްދިން ލަނޑު ޖަހައިދިނީ ރޭނާ އެވެ.

މެޗުން މޮޅުވެ ޑޯޓްމަންޑު ވަނީ ލީގު ތާވަލްގެ ހަ ވަނަ މަގާމަށް ޖެހިލައިފަ އެވެ. ކުޅުނު 16 މެޗުން ޑޯޓްމަންޑަށް ލިބެނީ 28 ޕޮއިންޓެވެ.

Advertisement
އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
100%
0%
0%
0%
0%
ކޮމެންޓް