ގައުމީ ވޮލީބޯޅަ މުބާރާތް މިއަދު ފަށާނެ
މުބާރާތުގައި ވާދަކުރަނީ ހަތަރު ޓީމް
ޙަފްޞީ ޢަބްދުالله | 21 ޖެނުއަރީ 2023 | ހޮނިހިރު 05:55
ވޮލީބޯޅަ
ގައުމީ ވޮލީބޯޅަ މުބާރާތުގެ އަންހެން ޑިވިޝަން މިއަދު ފަށާނެއެވެ.
މުބާރާތް މިއަދު ހަވީރު ހުޅުވައިދޭނީ ކްލަބް އީގަލްސްއާއި ކްލަބް ވޮލީބޯލްއެވެ. މިރޭ ކުޅޭ ދެވަނަ މެޗުގައި ވާދަކުރާނީ ޕޮލިސް ކްލަބާއި ކްލަބް ވެމްކޯއެވެ. މުބާރާތުގައި ވާދަކުރަނީ ހަތަރު ޓީމެވެ. ލީގު ބުރެއް ނިމޭއިރު އެއްވަނަ ޓީމަށް ފައިނަލްގެ ސީދާ ޖާގަ ލިބޭނެއެވެ. ފައިނަލްގެ ދެވަނަ ޖާގަ ލިބޭނީ، ދެވަނަ ޓީމާއި ތިންވަނަ ޓީމްގެ މެދުގައި ކުޅޭ ސެމީފައިނަލް މެޗުން މޮޅުވާ ޓީމަކަށެވެ.
މުބާރާތުގެ ފައިނަލް މެޗު ކުޅޭނީ މިމަހުގެ 27 ވަނަ ދުވަހުގެރެއެވެ.
