ރާއްޖެ
މާރާމާރީގެ މައްސަލަތައް
ލޮނުޒިޔާރަތް މަގުގައި މާރާމާރީއެއް ހިންގައި، ތޫނު އެއްޗަކުން ޙަމަލާދީ މީހަކު ޒަޙަކޮށްލައިފި
ފުލުހުންނަށް ރިޕޯޓުކުރީ ބުދަ ދުވަހުގެރޭ 00:37 ހާއިރު
ލައިޝާ އަހްމަދު, ރާއްޖެ އެމްވީ | 19 ޖެނުއަރީ 2023 | ބުރާސްފަތި 03:40
ކްރައިމް ސީނެއް ކަން އަންގައިދޭ ޓޭޕް ދަމާފައި
މާލޭގައި އަނެއްކާވެސް މާރާމާރީއެއް ހިނގައިގެން ފުލުހުން އެ މައްސަލަ ބަލަން ފަށައިފިއެވެ.
ފުލުހުން ބުނީ، ލޮނުޒިޔާރަތް މަގު ޗާކޯލް ކެފޭ ކައިރިން މީހަކަށް ތޫނު އެއްޗަކުން ޙަމަލާ ދީފައިވާ ކަމުގެ މައުލޫމާތު ބުދަ ދުވަހުގެރޭ 00:37 ހާއިރު ފުލުހުންނަށް ލިބިފައިވާ ކަމަށެވެ.
މި މާރާމާރީގައި އަނިޔާވެފައިވަނީ 30 އަހަރުގެ ފިރިހެނަކަށެވެ. އޭނާއަށް އޭޑީކޭ ހޮސްޕިޓަލުގައި ފަރުވާ ދީފައިވާކަމަށް ފުލުހުން ބުނެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ. އެކަމާ ގުޅޭ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.
