ރާއްޖެއާއި ކޮރެއާގެ ޑިޕްލޮމެޓިކް ގުޅުމަށް 55 އަހަރު ފުރުން ފާހަގަކޮށްފި
1 ޑިސެމްބަރު 2022 | ބުރާސްފަތި 07:28ހަފްލާގައި ކޮރެއާގެ އެކި ސަޤާފީ ކުޅިވަރުތަކާއި އެކި ކުޅިވަރުގެ ހަރަކާތްތައް ދައްކާލާފައިވޭ
ރާއްޖެއާއި ކޮރެއާގެ ޑިޕްލޮމެޓިކް ގުޅުމަށް 55 އަހަރު ފުރުން ފާހަގަ ކުރުމަށް ބޭއްވި ހަރަކާތުގެ ތެރެއިން
ދިވެހިރާއްޖެއާއި ކޮރެއާގެ ޑިޕްލޮމެޓިކް ގުޅުމަށް 55 އަހަރު ފުރުން ފާހަގަކޮށްފިއެވެ.
ރާއްޖެއާއި ކޮރެއާއާ ދެމެދު ޑިޕްލޮމެޓިކް ގުޅުން ގާއިމުކުރިތާ 55 އަހަރު ފުރުން ފާހަގަކުރުމުގެ ގޮތުން "ކަލްޗަރަލް އެންޑް ސްޕޯޓްސް" ހަރަކާތެެެއް ބުދަ ދުވަހުގެ ރޭ ވަނީ ބާއްވާފައެވެ.
މި ހަފްލާގައި ކޮރެއާގެ އެކި ސަޤާފީ ކުޅިވަރުތަކާއި އެކި ހަރަކާތްތައް ވަނީ ދައްކާލާފައެވެ.
ހަފްލާގައި ވާހަކަފުޅު ދައްކަވަމުން ކޮރެއާ ސަފީރު ޖިއޮންގް ވޫންޖިން ވިދާޅުވީ ކޮވިޑަށްފަހު މިއީ މިގޮތަށް ބާއްވާ ފުރަތަމަ ހަރަކާތް ކަމަށާއި ކޮރެއާ އާއި ރާއްޖެއިން ފާއިތުވި އަހަރުތަކުގައި ވަރުގަދަ ގުޅުމެއް ޤާއިމުކޮށްފައިވާ ކަމަށެވެ. އަދި ދިވެހިރާއްޖެއާއި ކޮރެއާގެ ޑިޕްލޮމެޓިކް ގުޅުމަށް 55 އަހަރު ފުރުމުން މިއީ މި ގުޅުމުގެ ތެރެއިން ހުޅުވިގެންދާ އައު ސަފްހާއެއް ކަމަށް ވިދާޅުވިއެވެ.
މި ހަރަކާތުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ބައިވެރިވެވަޑައިގެންނެވިއެވެ. ހަރަކާތުގައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ ކޮރެއާ އިން ރާއްޖެ އަންނަ ފަތުރުވެރިންގެ އަދަދު އިތުރުވަމުން އަންނަ ކަމަށެވެ. ކޮރެއާގައި ކުރިއަރަމުން އަންނަ ޕޮޕް ކަލްޗާ އަކީ ފާހަގަކޮށްލެވޭ ކަމެއް ކަމަށާއި ކޮރެއާގެ ސަޤާފަތް ދައްކުވައިދޭ އިތުރު ހަރަކާތްތައް ބޭއްވުން މުހިންމު ކަމަށް ވެސް ރައީސް ނަޝީދު ވިދާޅުވިއެވެ.
މި ހަރަކާތުގެ ތެރެއިން ސަޤާފީ ހަރަކާތްތަކުގެ އިތުރުން ޓައިކޮންޑޯގެ ހަރަކާތްތަކެއް ވެސް ވަނީ ދައްކާލާފައެވެ.
