މާލިއްޔަތު ޤާނޫނަށް މުވައްޒަފުން އަހުލުވެރި ކުރުވުމުގެ ތަމްރީން ޕްރޮގްރާމެއް ކުރިއަށް ގެންގޮސްފި

މާލިއްޔަތު ޤާނޫނަށް މުވައްޒަފުން އަހުލުވެރި ކުރުވުމުގެ ތަމްރީން ޕްރޮގްރާމެއް ހދ. ކުޅުދުއްފުށި ސިޓީގައި ކުރިއަށް ގެންގޮސްފިއެވެ.

ފިނޭންސް މިނިސްޓްރީން ބުނީ މާލިއްޔަތު ޤާނޫނަށް މުވައްޒަފުން އަހުލުވެރި ކުރުވުމުގެ ތަމްރީން ޕްރޮގްރާމެއް މި މަހުގެ 24 އަދި 25 ވަނަ ދުވަހު ކުރިއަށް ގެންގޮސްފައިވާ ކަމަށެވެ.

Advertisement

މި ޕްރޮގްރާމްގައި ކުޅުދުއްފުށި ހޮސްޕިޓަލްގެ މުވައްޒަފުންވެސް ބައިވެރިވިއެވެ.

ފިނޭންސް މިނިސްޓްރީން ގެންދަނީ މިފަދަ ތަފާތު އެތައް ޕްރޮގްރާމުތަކެއް ހިންގަމުންނެވެ. ކޮވިޑުގެ ހާލަތާއި ގުޅިގެން ސަރުކާރުން ހިންގާ ބައެއް މަޝްރޫއުތަކަށް މަޑުޖެހުމެއް އައިރު މިކަމުގެ ދަތިކަން ފިނޭންސް މިނިސްޓްރީއަށް ވެސް ވަނީ ކުރިމަތިވެފައެވެ.

އެގޮތުން މާލީ ހާލަތާގުޅިގެން މިވަގުތަށް މަޑުޖައްސާލާނީ ކޮން މަޝްރޫއެއްތޯ ނިންމެވުމުގެ އެންމެ އިސް ފަރާތަކީ މިނިސްޓްރީ އޮފް ފިނޭންސް ކަމަށާއި، އެކަން ކުރިއަށް ގެންދަވަނީ އެ މިނިސްޓްރީންކަމަށް މިނިސްޓަރ އޮފް ނެޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރ މުހައްމަދު އަސްލަމް ވަނީ މިއަހަރުގެ ޖޫން މަހު ވިދާޅުވެފައެވެ.

މިނިސްޓަރު ވިދާޅުވީ، މާލީ ދަތިކަމާހުރެ ހިނގަހިނގައި ހުރި ޕްރޮޖެކްޓެއް އަދި ހުއްޓާނުލާކަމަށެވެ. އަދި ކުރިއަށް ފަށަން ހުރި މަޝްރޫއުތަކުގެ ތެރެއިން، މަޑުޖައްސާލައި، ފަހުން އެ މަޝްރޫއުތައް ފަށަން ހުރީ ކޮން ޕްރޮޖެކްޓްތަކެއްކަން އަދި ނިންމާފައި ނެތްކަމަށެވެ. އަދި ޕްރޮސެސް އޮންނަގޮތުން، މަޝްރޫއެއް ކުރިއަށްގެންދަން މިނިސްޓްރީން އެދުނުނަމަވެސް، ފިނޭންސް މިނިސްޓްރީގައި ހުއްދައަކަށް އެދެންޖެހޭ ކަމަށެވެ.