ތިބާ އީ ފޮނި އެއްޗިހި ކާން އާދަޔާ ޚިޔާލަފު ލޯތްބެއް ޖެހިފައި ވާ މީހެއް ނަމަ، ލަސް ނުކޮށް ދާންވީ ކޭކްލޭންޑްއަށެވެ. ސަބަބެއް ނެތިއެއް ނޫނެވެ.
އެމެރިކާގެ ލޮސްއެންޖަލީސް ގައި ހުންނަ ކޭކްލޭންޑް އާޓް ގެލަރީ ފަރުމާ ކޮށްފައި ވަނީ އެތައް ލޭޔަރެއްގެ މައްޗަށް އެކުލެވޭ ފުރިހަމަ ކޭކެއްގެ އިހުސާސްތައް، އެތަނަށް ޒިޔާރަތް ކުރާ މީހުންނަށް ކުރެވޭ ފަދަ ގޮތަކަށެވެ.
ހުރިހާ އެއްޗެއްވެސް ފަރުމާކޮށްފަ މި ހުންނަނީ ކޭކެއް ސިފަކޮށްދޭ ގޮތަށް. ތަނުގެ ނަމާވެސް އެއްގޮތަށް. ހުރިހާވެސް އެއްޗެއް ގުޅިފައި ވަނީ އިންތިހާއަށް ކުރެހުން އަޅާ ފައްކާ ކޮށްފައި އޮތް ކޭކަކާ.ސްކޮޓް ހޯވް؛ ކޭކްލޭންޑްގެ މޭސްތިރި
ގެލަރީގެ އެއް ކޮޓަރިން އަނެއް ކޮޓަރިއަށް މެހެމާނުން ޒިޔާރަތް ކުރަމުން ދާއިރު، މި އުޅެވެނީ މަސްނޫއީ ކޭކެއްގެ ތެރޭގައި ކަމުގެ އިހްސާސްއެއް ކުޑަކޮށްވެސް ނުކުރެވޭހާ އަސްލާ އެއްގޮތެވެ. މޭސްތިރިއަކީ ފަންނުވެރިއެއް ކަމަށް ވާ ސްކޮޓް ހޯވްއެވެ.
ހުރިހާ އެއްޗެއްވެސް މީ ފޭކު. ފެންނަ ފެނުމަށް ރީތިވެސް ވާންޖެހޭތާ. އަސްލު އެއްޗެހި ބޭނުންކޮށްގެން، މިތަން މިގޮތަށް ބަލަހައްޓަމަކުން މަށަކަށް ނުދެވޭނެ. އެނގެއެއްނު ދެން. އެހެންވެ، ހަކުރުގެ ބަދަލުގަ ބޭނުންކޮށްފަ ހުންނާނީ އެކްރެލިކް. އެހެނޫނީ ވިއްޔާ ތަނަށް ކިއާނީ އޭންޓްލޭންޑް. މުޅި ތަނުގަ އެކި ކަހަލަ ސޫފާސޫފި އުޅޭނީ. އަހަރަމެން އެގޮތެއް ބޭނުމެއް ނޫންތާ!ސްކޮޓް ހޯވް؛ ކޭކްލޭންޑްގެ މޭސްތިރި
ޗެރީއާއި ވިޕް ކްރީމްގެ ފަށަލަތަކުން އިތުރު ފުރިހަމަ ކަމެއް ގެނެސްދޭ ކޭކްލޭންޑް ފަރުމާ ކުރުމުގެ ޚިޔާރު ހޯވްއަށް އައީ، އޭނާ ތައްޔާރު ކުރަމުން ދިޔަ މަސްނޫއީ ކޭކުތައް ފެނި، މީހުންގެ ހިތުގައި އުފެދެމުން ދިޔަ ޖަޒުބާތުތައް ފެންނަން ފެށި ހިސާބުންނެވެ.
އެކި އެއްޗެހީގެ މަސްނޫއީ އުފެއްދުންތައް އަބަދުވެސް އަހަރެން އާޝޯޚް ކުރުވާ. ފޭކު ކޭކު ކަހަލަ އެއްޗެހި. އަހަރެން ކުޑަ އިރު، ފޭކު ކާއެއްޗެހި އެއްކޮށް ހެދިން. ވަރަށް ޝަޢުޤުވެރި ކަމެއް އެއީ.ސްކޮޓް ހޯވް؛ ކޭކްލޭންޑްގެ މޭސްތިރި
ހޯވް ވަނީ، ކޭކްލޭންޑްއަށް ޒިޔާރަތް ކުރާ މީހުންނަށް ކުރެވޭނެ ބައެއް ތަޖުރިބާތައް މީޑިއާއާ ހިއްސާކޮށްފައެވެ.
އަހަރެންގެ މުޅި ޙަޔާތުގައިވެސް އަދި އަސްލު ކޭކެއް ނާޅަން. އެކަމަކު އެތައް ގެލަނެއްގެ ފްރޮސްޓިންގް އެޅިއްޖެހެން ހީވަނީ. މި ތަނުގަ ހުންނާނެ އަހަރެން އަތުން ޕައިޕްކޮށްފަ ހުރި 250 ގެލަންގެ ފްރޮސްޓިންގް. 120 ލޯގަނޑު. 3000 ފެރީ. ފާރުތަކުގަ ހުންނާނެ އެތައް ހާސް ކްރިސްޓަލްއެއްވެސް ހަރުކޮށްފަ.ސްކޮޓް ހޯވް؛ ކޭކްލޭންޑްގެ މޭސްތިރި
އެންމެ ހައިރާން ވާން ޖެހޭ ކަމަކީ، އޭނާގެ ހަޔާތުގައި އަދި އެންމެ ފަހަރަކުވެސް ހޯވް، އަސްލު ކޭކެއް ތައްޔާރު ކޮށްފައި ނުވާ ކެމެވެ. އޭނާ މުޅިންވެސް ތައްޔާރު ކުރަނީ މަސްނޫއީ ކޭކް ނުވަތަ އާޓިފިޝަލް ކޭކުތަކެވެ.
އަހަރެން ކޭކް ޚިޔާރު ކުރި ފުރަތަމަ ސަބަބަކީ، އޭގެ ރީތިކަން. ދެވަނަ ކަމަކީ މިކަން ކުރަން މަޖާވުން. ތިންވަނަ ކަމަކީ، މިތަނަށް ޒިޔާރަތް ކުރާ މީހުންނާ ދެމެދު އޮންނަ، މާނަ ފުން ގުޅުން.ސްކޮޓް ހޯވް؛ ކޭކްލޭންޑްގެ މޭސްތިރި
ކޭކްލޭންޑްއަށް ޒިޔާރަތް ކުރާ މީހުންގެ މެދުގައި އެތަނަކީ އިންތިހާއަށް މަޤުބޫލު މަންޒިލެކެވެ.
މިހެން އުޅޭލާފަ އާދަޔާ ޚިލާފު ކަމެއް ތަޖުރިބާ ކޮށްލަން ބޭނުމީވިއްޔާ އަންނަންވީ ތަނަކީ މީ. ކުރެވެނީ ކޭކެއްގެ ތެރޭގައި ދިރިއުޅެލެވޭ ކަހަލަ އިޙްސާސެއް. ލޭޔަރުތަކެއްގެ މައްޗަށް އެކުލެވޭ ކޭކެއްގެ ތެރޭގައި އުޅެލެވޭ ކަމުގެ އިޙްސާސް. މަ ބުނާނީ އެހެން. ވަރަށް ތަފާތު ތަންތަން އެބަ ހުރި.މެގީ ނެލްސަން؛ ލޮސްއެންޖަލީޒްގެ ރަށްވެއްސެއް
2020 ވަނަ އަހަރު، ކޭކްލޭންޑް ހުޅުވިފަހުން ހޯވް ދަނީ އަދިވެސް އިތުރަށް އެތަން ތަރައްޤީ ކުރުމުގެ މަސައްކަތް ކުރަމުންނެވެ.
