250 ގެލަންގެ ފްރޮސްޓިންގް އެއްކުރަން 3000 ޗެރީ އެއްކުރަން 120 ލޯގަނޑު އެއްވަރީ؟
އޭނާގެ އަތުން ޕައިޕްކޮށްފަ ހުރި 250 ގެލަންގެ ފްރޮސްޓިންގްއާއި 120 ލޯގަނޑު، 3000 ޗެރީ އަދި ފާރުތަކުގަ އެތައް ހާސް ކްރިސްޓަލްއެއް ވަނީ ހަރުކޮށްފައި
އެމެރިކާގެ ލޮސްއެންޖަލީޒްގައި ހުންނަ ކޭކްލޭންޑް އާޓް ގެލަރީ ފަރުމާ ކޮށްފައި ވަނީ އެތައް ލޭޔަރެއްގެ މައްޗަށް އެކުލެވޭ ފުރިހަމަ ކޭކެއްގެ އިހުސާސްތައް އަންނަ ގޮތަށް
ތިބާ އީ ފޮނި އެއްޗިހި ކާން އާދަޔާ ޚިޔާލަފު ލޯތްބެއް ޖެހިފައި ވާ މީހެއް ނަމަ، ލަސް ނުކޮށް ދާންވީ ކޭކްލޭންޑްއަށެވެ. ސަބަބެއް ނެތިއެއް ނޫނެވެ.
އެމެރިކާގެ ލޮސްއެންޖަލީސް ގައި ހުންނަ ކޭކްލޭންޑް އާޓް ގެލަރީ ފަރުމާ ކޮށްފައި ވަނީ އެތައް ލޭޔަރެއްގެ މައްޗަށް އެކުލެވޭ ފުރިހަމަ ކޭކެއްގެ އިހުސާސްތައް، އެތަނަށް ޒިޔާރަތް ކުރާ މީހުންނަށް ކުރެވޭ ފަދަ ގޮތަކަށެވެ.
ގެލަރީގެ އެއް ކޮޓަރިން އަނެއް ކޮޓަރިއަށް މެހެމާނުން ޒިޔާރަތް ކުރަމުން ދާއިރު، މި އުޅެވެނީ މަސްނޫއީ ކޭކެއްގެ ތެރޭގައި ކަމުގެ އިހްސާސްއެއް ކުޑަކޮށްވެސް ނުކުރެވޭހާ އަސްލާ އެއްގޮތެވެ. މޭސްތިރިއަކީ ފަންނުވެރިއެއް ކަމަށް ވާ ސްކޮޓް ހޯވްއެވެ.
ޗެރީއާއި ވިޕް ކްރީމްގެ ފަށަލަތަކުން އިތުރު ފުރިހަމަ ކަމެއް ގެނެސްދޭ ކޭކްލޭންޑް ފަރުމާ ކުރުމުގެ ޚިޔާރު ހޯވްއަށް އައީ، އޭނާ ތައްޔާރު ކުރަމުން ދިޔަ މަސްނޫއީ ކޭކުތައް ފެނި، މީހުންގެ ހިތުގައި އުފެދެމުން ދިޔަ ޖަޒުބާތުތައް ފެންނަން ފެށި ހިސާބުންނެވެ.
ހޯވް ވަނީ، ކޭކްލޭންޑްއަށް ޒިޔާރަތް ކުރާ މީހުންނަށް ކުރެވޭނެ ބައެއް ތަޖުރިބާތައް މީޑިއާއާ ހިއްސާކޮށްފައެވެ.
އެންމެ ހައިރާން ވާން ޖެހޭ ކަމަކީ، އޭނާގެ ހަޔާތުގައި އަދި އެންމެ ފަހަރަކުވެސް ހޯވް، އަސްލު ކޭކެއް ތައްޔާރު ކޮށްފައި ނުވާ ކެމެވެ. އޭނާ މުޅިންވެސް ތައްޔާރު ކުރަނީ މަސްނޫއީ ކޭކް ނުވަތަ އާޓިފިޝަލް ކޭކުތަކެވެ.
ކޭކްލޭންޑްއަށް ޒިޔާރަތް ކުރާ މީހުންގެ މެދުގައި އެތަނަކީ އިންތިހާއަށް މަޤުބޫލު މަންޒިލެކެވެ.
2020 ވަނަ އަހަރު، ކޭކްލޭންޑް ހުޅުވިފަހުން ހޯވް ދަނީ އަދިވެސް އިތުރަށް އެތަން ތަރައްޤީ ކުރުމުގެ މަސައްކަތް ކުރަމުންނެވެ.
