އާޖެންޓީނާގެ ޤައުމީ ޓީމުގެ ކޯޗު ލިއޮނަލް ސްކަލޯނީގެ އެއްބަސްވުން އައު ކުރުމަށް އެ ޤައުމުގެ ފުޓުބޯޅަ އިދާރާ އިން ނިންމައިފިއެވެ.
އުމުރުން 44 އަަހަރުގެ ސްކަލޯނީ އާޖެންޓީނާގެ ކޯޗު ކަމަށް ހަމަޖެއްސީ 2018 ވަނަ އަހަރުގެ އޮގަސްޓު މަހުއެވެ. އޭނާގެ އިރުޝާދަގެ ދަށުން އާޖެންޓީނާ އިން އަންނަނީ މޮޅު ކުޅުމެއް ދައްކަމުންނެވެ. އާޖެންޓީނާ އިން އެންމެ ފަހުން ކުޅުނު 35 މެޗު ވެސް ނިންމާލާފައިވަނީ ބަލިނުވެއެވެ. ސްކަލޯނީގެ އިރުޝާދުގެ ދަށުން އެ ޤައުމުން ވަނީ 2021 ވަނަ އަހަރު ކޮޕަ އެމެރިކާ ފުޓުބޯޅަ މުބާރާތާއި މިއަހަރު އޮތް ޔުއެފާ ކަޕް އޮފް ޗެމްޕިއަންސް ކާމިޔާބުކޮށްފައެވެ.
އާޖެންޓީނާގެ ފުޓުބޯޅަ އެސޯސިއޭޝަންގެ ރައީސް ކްލައުޑީ ޓަޕިއާ ވިދާޅުވީ، ސްކަލޯނީގެ އެއްބަސްވުމުގެ މުއްދަތު އިތުރު ކުރުމަށް ނިންމާފައިވާ ކަމަށެވެ. އަދި އައު އެއްބަސްވުމުގެ ދަށުން 2026 ވަނަ އަހަރުގެ ފީފާ ވޯލްޑް ކަޕްގެ ނިޔަލަށް ސްކަލޯނީ އާޖެންޓީނާ އަށް އިރުޝާދު ދޭނެއެވެ.
ސްކަލޯނީ ބުނީ އާޖެންޓީނާގައި މިހާރު ތިބި ކުޅުންތެރިންނާއެކު އޭނާ ބޭނުންވަނީ ކުރިއަށްދާން ކަމަށެވެ. ސްކަލޯނީ ބުނީ އޭނާގެ އުންމީދަކީ އާޖެންޓީނާ އަށް ހުރިހާ ކާމިޔާބެއް ހޯދައިދުނުން ކަމަށެވެ. މީގެ އިތުރުން އޭނާ ބުނީ ކުރިއަށް އޮތް ވޯލްޑް ކަޕްގައި އާޖެންޓީނާ އިން ފަހު ވަގުތާ ހަމައަށް ހިތްވަރާއެކު މަސައްކަތް ކުރާނެކަމަށެވެ.
ސްކަލޯނީ ވަނީ 2003 އިން 2006 އަށް އާޖެންޓީނާގެ ޤައުމީ ޓީމަށް ކުޅެދީފައެވެ.
