ރެއާލް ދޫކޮށް ޑެނީލޯ އާސެނަލްއަށް ބަދަލު ނުވާނެ: ރިޕޯޓް
14 ޖޫން 2017 | ބުދަ 14:31އާސެނަލްގެ ބެލެރިންގެ ބަދަލުގައި ޑެނީލޯ އެ ކްލަބަށް ބަދަލުވާނެކަމަށް ބެލެވޭ
ރެއާލް މެޑްރިޑަށް ކުޅެމުން އަންނަ ޑެނީލޯ
ރެއާލް މެޑްރިޑް ދޫކޮށްލުމަށްފަހު އެ ކްލަބުގެ މިޑްފިލްޑަރު ޑެނީލޯ އާސެނަލްއަށް ބަދަލުނުވާނެ ކަމަށް ރިޕޯޓްތައް ބުނެފި އެވެ.
މަޝްހޫރު ކުޅިވަރު ނޫހެއްކަމަށްވާ މާސާ އިން ބުނީ ޑެނީލޯ ހޯދުމަށް އާސެނަލް އިން މަސައްކަތްކުރަމުން އަންނަ ކަމަށާއި، އެހެންނަމަވެސް ޑެނީލޯ ބޭނުންވަނީ ރެއާލްއާ އެކު ކާމިޔާބީހޯދުމަށް އެޓީމުގައި މަޑުކުރަން ކަމަށެވެ.
މި ސީޒަނުގައި ރެއާލްގެ ފުރަތަމަ އެގާރައިން ޑެނީލޯއަށް ޖާގަ ލިބުން މަދުވިއިރު، އޭނާ ކުރިޔަށް އޮތް ސީޒަނަށް އެހެން ކްލަބަކަށް ބަދަލުވާނެ ކަމަށް ބެލެވުނެވެ. އެހެންނަމަވެސް ރިޕޯޓްތައް ބުނާގޮތުން ޑެނީލޯ ބޭނުންވަނީ ރެއާލްގައި މަޑުކޮށް ފުރަތަމަ އެގާރައިން ޖާގަ ހޯދުމަށް މަސައްކަތްކުރަންށެވެ.
އާސެނަލް އިން އެޓީމުގެ މިޑްފިލްޑަރު ހެކްޓާ ބެލެރިން ބާސާއަށް ވިއްކާލުމަށްފަހު ޑެނީލޯ ގެންނަން އުޅޭކަމަށް ރިޕޯޓްތައް ބުނަމުން އަންނައިރު، ބެލެރިން ބާސާއަށް ބަދަލުވުމާ ގާތަށް ވަނީ އައިސްފައެވެ. އެހެންނަމަވެސް އެ މަގާމަށް ޑެނީލޯ ނޫން އެހެން ކުޅުންތެރިޔަކު ގެންނާނެ ކަމަށް ބެލެވެއެވެ.
ޕޯޗުގަލްގެ އެފްސީ ޕޯޓޯ ދޫކޮށްލުމަށްފަހު، 2015 ވަނަ އަހަރު ރެއާލްއާ ގުޅުނު ޑެނިލޯވަނީ ފާއިތުވެދިޔަ ދެ ސީޒަނުގައި އެޓީމަށް ކުޅުނު 54 މެޗުގައި ތިން ލަނޑު ކާމިޔާބުކޮށްފައެވެ. މީގެއިތުރުން އޭނާ ވަނީ އެޓީމާއެކު ޔުއެފާ ޗެމްޕިއަންސް ލީގު، ޔުއެފާ ސުޕާކަޕް އަދި ފީފާ ކްލަބް ވޯލްޑްކަޕްވެސް ކާމިޔާބުކޮށްފައެވެ.
