ރައީސުލްޖުމްހޫރިއްޔާގެ ކުލަ ކަސްޓަމްސްގެ 6 އޮފިސަރަކަށް
19 ޖުލައި 2022 | އަންގާރަ 13:12ރައީސްއަށް އެރުވި ހަނދާނީ ފިލައަކި ކޮވިޑަށްފަހު ރާއްޖޭގެ އިމްޕޯޓް ރަނގަޅުވަމުން އައި ގޮތް ރަމްޒުކޮށްދޭ ފިލައެއް
ރައީސް އިބްރާހިމް މުހައްމަދު ސޯލިހަށް ހަނދާނީ ފިލާ އަރުވަނީ
ރައީސުލްޖުމްހޫރިއްޔާގެ ކުލަ ކަސްޓަމްސްގެ 6 އޮފިސަރަކަށް ދެއްވައިފިއެވެ.
ކަސްޓަމްސް އޮފިސަރުންގެ ތެރެއިން ރައީސުލްޖުމްހޫރިއްޔާގެ ކުލަ ހާސިލް ކުރައްވާ ފަރާތްތަކަށް ޝަރަފުގެ ކުލަ ހަވާލުކޮށްދެއްވާފައިވަނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙުއެވެ.
މީގެ އިތުރުން މި ހަފްލާގައި ރައީސުލްޖުމްހޫރިއްޔާ އަށް ވަނީ ހާއްސަ ހަނދާނީ ފިލާ އަރުއްވާފައެވެ. މި ހަނދާނީ ފިލާ އެރުވީ ކޮމިޝަނަރ ޖެނެރަލް އޮފް ކަސްޓަމްސް އަބްދުﷲ ޝަރީފް އެވެ. މި ހަނދާނީ ފިލައަކީ ކޮވިޑް-19ގެ ސަބަބުން ރާއްޖޭގެ އިމްޕޯޓް ބޮޑުތަނުން ދަށް ވުމަށްފަހު އިމްޕޯޓުގެ އަދަދުތައް ބޮޑުތަނުން އިއާދަ ވެފައިވާތަން ރަމްޒުކޮށްދޭ ގޮތަށް ހަދާފައިވާ ހަނދާނީ ފިލައެކެވެ.
