ސަސުއޯލޯގެ މިޑްފީލްޑަރ ފްރަޓޭސީގެ ފޯނު ހެކްކޮށް، ފޮޓޯއެއް ލީކުކޮށްލައިފި

އިޓާލިއަން ލީގުގެ ސަސުއޯލޯގެ މިޑްފީލްޑަރ ޑާވިޑޭ ފްރަޓޭސީގެ ފޯނު ހެކްކޮށްފިއެވެ.

މި ފަހުން ފްރަޓޭސީގެ އިންސްޓަގްރާމް ސްޓޯރީއަށް އޭނާގެ ބަރަހަނާ ފޮޓޯއެއް ވަނީ އަޕްލޯޑް ކޮށްފައެވެ. ނަމަވެސް އޭގެ އިރުކޮޅެއް ފަހުން އެފޮޓޯ ޑިލީޓްކުރުމަށްފަހު އޭނާ ވަނީ އިތުރު ޕޯސްޓެއް ކޮށްފައެވެ. އެޕޯސްޓުގައި ފްރަޓޭސީ ބުނީ އޭނާގެ ފޯނު ކޮންމެސް މީހަކު ހެކްކޮށްފައިވާކަމަށާއި، އެފޮޓޯއަކީ ހެކްކުރި މީހާ އަޕްލޯޑުކުރި ފޮޓޯއެއްކަމަށެވެ.

އިންސްޓަގްރާމުން ފޮޓޯ ޑިލީޓްކޮށްލިނަމަވެސް ގިނަ ބަޔަކު އެފޮޓޯގެ ސްކްރީންޝޮޓްނަގައި، ސޯޝަލް މީޑިއާގައި ވައިރަލްކޮށްފައިވާ ކަމަށް ރިޕޯޓުތައް ބުނެއެވެ. އިންސްޓަގްރާމުގައި 75،000ށްވުރެ ގިނަ މީހުން ފްރަޓޭސީއަށް ފޮލޯކުރެއެވެ.

އިޓަލީގެ ސަސުއޯލޯއަށް ކުޅެމުން އަންނަ ފްރަޓޭސީ ކުރިއަށް އޮތް ސީޒަންގައި ރޯމާއަށް ބަދަލުވާނެކަމުގެ އަޑުތައް ވަނީ ފެތުރިފައެވެ. މިއާއެކު ގިނަ ބަޔަކު އަންނަނީ އޭނާގެ ނިންމުމަކަށް އިންތިޒާރު ކުރަމުންނެވެ.

އުމުރުން 22 އަހަރުގެ ފްރަޓޭސީ މިވަގުތު ހުރީ ޗުއްޓީ ހޭދަކުރުމަށް އިބިޒާގައެވެ.