ސްޓެލްކޯގެ ޗެއަރމަނަކަށް އިބްރާހީމް މުހައްމަދު ދީދީ
ސްޓެލްކޯއިން ވަނީ އޭނާއަށް ހޫނު މަރުހަބާއެއް ދަންނަވާފައި
އިބްރާހީމް މުހައްމަދު ދީދީ
ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ ޗެއަރމަންކަމުގެ މަގާމަށް އިބްރާހީމް މުހައްމަދު ދީދީ އައްޔަންކޮށްފިއެވެ.
ޕްރައިވެޓައިޒޭޝަން އެންޑް ކޯޕަރައިޓޭޝަން ބޯޑުން އަންގާރަ ދުވަހު ކުރި ޓްވީޓެއްގައި ބުނެފައިވަނީ، ސްޓެލްކޯގެ ޑިރެކްޓަރުންގެ ބޯޑު މެމްބަރުކަމަށާއި ޗެއަރމަންގެ މަގާމަށް އިބްރާހީމް މުހައްމަދު ދީދީ އައްޔަންކޮށްފައިވާކަމަށެވެ.
ސްޓެލްކޯގެ ޗެއަރމަންގެ މަގާމަށް އޭނާ އައްޔަންކުރައްވާފައިވަނީ އެމަގާމުގައި ކުރިން ހުންނެވި މުހައްމަދު ރަޝީދު އަވަހާރަވުމާގުޅިގެންނެވެ. އިބްރާހީމް މުހައްމަދު ދީދީ އެ މަގާމަށް އައްޔަންކުރެއްވުމާގުޅިގެން ސްޓެލްކޯއިން ވަނީ އޭނާއަށް ހޫނު މަރުހަބާއެއް ދަންނަވާފައެވެ.
މިދިޔަ ޑިސެމްބަރު މަހުގެ 26ވަނަ ދުވަހު ޗެއަރމަން ރަޝީދު އަވަހާރަވީ އާލާސްކަންފުޅާ އުޅުއްވުމަށް ފަހުއެވެ.
