ޕީޖީ ޝަމީމް ވަކިކުރުމުގެ މަސައްކަތް އެމްޑީޕީ ޕީޖީ ގްރޫޕުން ފަށައިފި
1 ޖޫން 2022 | ބުދަ 08:46ޕީޖީ ޝަމީމް ވަކިކުރަން ހުށައެޅީ ޤާނޫނާއި ތަންފީޒު ކުރުމުގައި އޭނާ ގޯސްތައް ހައްދަވާ ކަމަށް ބުނެ
ޕީޖީ ހުސައިން ޝަމީމް ނޫސްވެރިންގެ ބައްދަލުވުމެއްގައި ވާހަކަ ދައްކަވަނީ
ޕްރޮސެކިއުޓަރ ޖެނެރަލް ހުސައިން ޝަމީމް އެމަޤާމުން ވަކިކުރުމުގެ މަސައްކަތް އެމްޑީޕީ ޕީޖީ ގްރޫޕުން ފަށައިފިއެވެ.
އެމްޑީޕީ ޕީޖީ ގްރޫޕުން ބޭއްވި ބައްދަލުވުމެއްގައި ޕީޖީ ޝަމީމް ވަކިކުރަން ހުށައެޅީ ޤާނޫނު ތަންފީޒު ކުރުމުގައި އޭނާ ގޯސްތައް ހައްދަވާ ކަމަށް ބުނެއެވެ. އެގޮތުން ޤާނޫނީ އިމުގެ ތެރެއިން ޕީޖީ ވަކިކުރަން ކުރަންޖެހޭ ކަންކަން ކުރެއްވުމަށް ގިނަ މެމްބަރުން ވަނީ ތާއީދުކުރައްވާފައެވެ.
މިކަމަށް މަޝްވަރާކުރުމަށް އިތުރު ބައްދަލުވުމެއް ބޭއްވުމަށް ވަނީ ނިންމާފައެވެ.
ޕްރޮސެކިއުޓަރ ޖެނެރަލްގެ މަޤާމަށް ޙުސައިން ޝަމީމު އައްޔަނުކުރުމަށް ރައްޔިތުންގެ މަޖިލީހުން ފާސްކުރީ 7 ޑިސެމްބަރު 2019 ގައެވެ. އޭރު ޕީޖީގެ މަޤާމަށް ޝަމީމު އައްޔަނުކުރުމަށް ވޯޓު ދެއްވީ 74 މެމްބަރުންނެވެ.
