ރަމަޟާން މަހަށް ޚާއްސަކޮށްގެން މިފްކޯއިން ކުރިއަށް ގެންދާ "ފަސްމީރު އެންމެ މީރު" ޕްރޮމޯޝަންގެ ފަހު ދުވަހަކީ 31 މެއި2022 ވަނަ ދުވަސް ކަމަށް އެ ކުންފުނިން ބުނެފިއެވެ.

މި ޕްރޮމޯޝަން ކުރިއަށް ގެންދިޔައީ މާލެ ސަރަހައްދުގެ ތިން މަސް ފިހާރައިގެ އިތުރުން ފެލިވަރު، ކޫއްޑޫ އަދި އައްޑޫގައި ހުންނަ މިފްކޯގެ ސައިޓް ފިހާރަތަކުގައެވެ. މިފްކޯއިން 200 ރުފިޔާއިން މަތީގެ ވިޔަފާރިކުރާ ކޮންމެ މީހަކަށް ޕްރޮމޯޝަންގައި ބައިވެރިވެވޭނެއެވެ. މިހާތަނަށް ކޫޕަން ލިބި ޕްރޮމޯޝަންގައި ބައިވެރިނުވެވޭ ކަސްޓަމަރުންނަށް 1 ޖޫން 2022 ގެ މެންދަމު 12:00އާއި ހަމައަށް ޕްރޮމޯޝަންގައި ބައިވެރިވެވޭނެއެވެ.

މިއަހަރު ފައިސާގެ އިނާމާއެކު މިޕްރޮމޯޝަންގައި ކޮންމެ ހަފްތާއަކު ހޮވޭ ނަސީބުވެރި ފަރާތެއްގެ އިތުރުން، ބައިވެރިވާ ހުރިހާ ކަސްޓަމަރުންގެ މެދުގައި އެންމެ ނަސީބުވެރި އެއްފަރާތެއް ހޮވުމަށް ހަމަޖެހިފައިވެއެވެ. ޖުމްލަ 13 ހަފްތާއަށް މިޕްރޮމޯޝަން ކުރިއަށް ގެންދެވިފައިވަނީ ކޮންމެ ހަފްތާއަކު ނަސީބުވެރި ކަސްޓަމަރަކަށް 5000 ރުފިޔާގެ ބީ.އެމް.އެލް ގިފްޓް ކާޑެއް ލިބޭގޮތަށެވެ. އަދި ހުރިހައި ބައިވެރިންގެ މެދުގައި ހޮވޭ އެންމެ ނަސީބުވެރި ކަސްޓަމަރަށް އެއްލައްކަ ރުފިޔާގެ ފައިސާގެ އިނާމެއްދިނުމަށްވަނީ ހަމަޖައްސާފައެވެ. "ފަސްމީރު އެންމެ މީރު" ޕްރޮމޯޝަން ކުރިއަށްދާ ގޮތުގެ ތަފްސީލުތައް މިފްކޯ މަސް ފިހާރައިގެ ފޭސްބުކް ޕޭޖް މެދުވެރިކޮށް ކަސްޓަމަރުންނަށްވަނީ ދެވިފައެވެ. އަދި ހަފްތާގެ ނަސީބުވެރި ކަސްޓަމަރުގެ ގުރުއަތުލުންވެސް މިފްކޯ ފޭސްބުކް ލައިވް މެދުވެރިކޮށް ވަނީ ގެނެސްދެވިފައެވެ.

މިފްކޯގެ އުފެއްދުންތަށް ތައްޔާރުކުރުމަށް ބޭނުންވާ މަހުގެ އަގު ބޮޑުވުމުގެ އިތުރުން، ރާއްޖެއިން ބޭރުން އިމްޕޯޓުކުރާ ރޯމެޓީރިއަލްގެ އަގުތައް ވަރަށް ބޮޑުތަނުން އުފުލިފައިވުމާއެކުވެސް، ކުންފުނީގެ އުފެއްދުންތަކުގެ އަގަށް ބަދަލު ނުގެނެސް ރޯދަމަހުގެ ޕްރޮމޯޝަންގެ ތެރޭގައި ކަސްޓަމަރުންނަށް މިފްކޯގެ އުފެއްދުންތައް ރަނގަޅު އަގުތަކެއްގައި ލިބޭނެ އިންތިޒާމްވަނީ ހަމަޖެއްސާފައެވެ. އެހެންނަމަވެސް، ރޯދަ ޕްރޮމޯޝަން ނިމުމުން، ކުރިން އާންމު ކުރެވިފައިވާ ފަދައިން މިފްކޯގެ އުފެއްދުންތަކުގެ އަގުތަކަށް ބަދަލު އަންނާނެކަމަށް މިފްކޯއިން ބުނެއެވެ.