އަވަށްޓެރި ސްރީ ލަންކާގައި ދިވެހި ކުއްޖަކު މަރުވި މައްސަލައެއް ދިވެހި ފުލުހުން ތަހުޤީޤު ކުރަން ފަށައިފިއެވެ.

މަރުވެފައިވަނީ 4 އަހަރުގެ އަންހެން ކުއްޖެއްކަން ރާއްޖެއެމްވީއަށް ކަށަވަރު ކުރެވުނު ނަމަވެސް، މި ކުއްޖާ މަރުވެފައިވަނީ ކޮން އިރަކުކަމާއި ކޮން ކަހަލަ މަރަކުންކަން އަދި ޔަޤީނެއް ނުކުރެވެއެވެ.

ލަންކާގައި ދިވެހި ކުޑަކުއްޖަކު މަރުވި މައްސަލަ، ހުކުރު ދުވަހު ފުލުހުންނަށް ހުށަހެޅުމާއި ގުޅިގެން، އެ މައްސަލަ ތަހުޤީޤު ކުރަމުންދާކަން ފުލުހުން ކަށަވަރުކޮށްދިން ނަމަވެސް، މި މައްސަލަ އާއި ގުޅޭ އިތުރު ތަފްޞީލެއް ފުލުހުން ދީފައެއް ނުވެއެވެ.

އަވަށްޓެރި ޤައުމެއްގައި ހިނގާފައިވާ މަރެއް ދިވެހި ފުލުހުން ތަހުޤީޤު ކުރަން ފަށާފައިވާއިރު، މިއީ ދިވެހި ފުލުހުން މިގޮތަށް ތަހުޤީޤުކުރާ ފުރަތަމަ މައްސަލައެއް ނޫނެވެ. އެގޮތުން މި އަހަރު ބަނގްލަދޭޝްގައި މަރުވި ދިވެހި ދަރިވަރު ރައުދާ އާތިފްގެ މަރުގެ ތަހުޤީޤުގައިވެސް ދިވެހި ފުލުހުން ވަނީ ބައިވެރިވެފައެވެ.