އަލިފުށީ ވޮލީ ޓީމް ބަލިކޮށް ކޮމަންޑޫ ލޮބްސްޓަރ ފުރަތަމަ މެޗުން މޮޅު
3 މެއި 2022 | އަންގާރަ 14:19ޓީމް ތަހުނިޔާ ވަނީ ތިން މެޗުންވެސް ބަލިވެ، ކަޓާފައި
ފިރިހެން ޑިވިޝަންގެ ދެވަނަ މެޗުގެ މޮޅު ކުޅުންތެރިޔާއަށް އިނާމްދެނީ
އެލްދީ ރެޓްރޯ ކޮފީ ވޮލީބޯޅަ މުބާރާތުގައި އަލިފުށީ ވޮލީބޯޅަ ޓީމް ބަލިކޮށް, ށ. ކޮމަންޑޫ ލޮބްސްޓަރ ފުރަތަމަ މެޗު ކާމިޔާބުކޮށްފިއެވެ.
އަލިފުށީގައި ކުރިއަށްދާ މުބާރާތުގައި ކޮމަންޑޫ ލޮބްސްޓަރ މެޗު ކާމިޔާބުކުރީ ސީދާ ތިން ސެޓުންނެވެ. މެޗުގެ މޮޅު ކުޅުންތެރިއަކީ ލޮބްސްޓަރގެ ހުސެއިން އާރިފެވެ. ފިރިހެން ޑިވިޝަންގައި ވާދަކުރަނީ ހަތަރު ޓީމެވެ. މިދެޓީމްގެ އިތުރުން ދެން ވާދަކުރަނީ އަލިފުށޫ ފެނަކައާއި, އަލިފުށީ ޕޮލިހެވެ. އަލިފުށީ ވޮލީޓީމް ވަނީ ފުރަތަމަ މެޗުގައި ފެނަކަ އަތުންވެސް ބަލިވެފައެވެ.
މުބާރާތުގެ އަންހެން ޑިވިޝަންގައި ޓީމް ސުޕަރ ސިކްސް ވަނީ ދެ މެޗު ވެސް ކާމިޔާބުކޮށްފައެވެ. ދެވަނަ މެޗު އެޓީމް ކާމިޔާބުކުރީ ޓީމް ވިއްސާރަދުންޏާ ވާދަކޮށް 2-1 ސެޓުންނެވެ. މެޗުގެ މޮޅު ކުޅުންރެރިއަކީ ސުޕަރ ސިކްސްގެ އައިޝަތު ފަރާއެވެ. އަންހެން ޑިވިޝަންގައި ޓީމް ތަހުނިޔާ ވަނީ ތިންވަނަ މެޗުންވެސް ބަލިވެފައެވެ. އެޓީމް ތިންވަނަ މެޗުގައި ބަލިވީ ސިކްސްޕެކްއާ ވާދަކޮށް ސީދާ ދެ ސެޓުންނެވެ. މެޗުގެ މޮޅު ކުޅުންތެރިއަކީ ސިކްސް ޕެކްގެ ޝިފާއެވެ. ދެވަނަ މެޗުގައި އެޓީމް ބަލިވީ އޯލް ސްޓާރއާ ވާދަކޮށް ސީދާ ދެސެޓުންނެވެ. އެހެންކަމުން އެޓީމަށް މިހާރު ފައިނަލްގެ ފުރުސަތެއް ނެތެވެ.
މުބާރާތުގެ އަންހެން ޑިވިޝަންގެ މެޗުތައް ކުޅެނީ ތިން ސެޓަށެވެ. ފައިނަލް މެޗުތައް ކުޅޭނީ ހުކުރު ދުވަހުއެވެ.
