ކުޅުދުއްފުއްޓާއި ފުވައްމުލަކު ހޮސްޕިޓަލަށް އުފަންވާ ކުދިންނަށް އެސްޓީއޯ އިން ހަދިޔާ ދޭން ފަށައިފި
މިއީ އަލަށް އުފަންވާ ހުރިހާ ކުދިންނަށް ހަދިޔާ ދޭން އެސްޓީއޯއިން ފަށާފައިވާ ޕްރޮގްރާމެއް
އެސްޓީއޯގެ ހަދިޔާ ފުވައްމުލަކު ހޮސްޕިޓަލުގަައި ވިހެއި އަންހެނަކަށް ދެނީ
ކުޅުދުއްފުށި ރީޖަނަލް ހޮސްޕިޓަލާއި ފުވައްމުލަކު ހޮސްޕިޓަލަށް އަލަށް އުފަންވާ ކުދިންނަށް ހަދިޔާ ދިނުމުގެ ޕްރޮގްރާމެއް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ފަށައިފިއެވެ.
މިއީ ރާއްޖޭގައި އުފަންވާ ކޮންމެ ކުއްޖަކަށް ހަދިޔާ ދިނުމަށް އެސްޓީއޯއިން ހިންގާ ޕްރޮގްރާމުގެ ތެރެއިން ދޭ ހަދިޔާއެވެ. އެ ހަދިޔާގެ ތެރޭގައި އެސްޓީއޯއިން ރާއްޖެއަށް އެތެރެ ކުރާ ތުއްތު ކުދިންގެ ސާމާނު ހިމެނެއެވެ.
އެ ޕްރޮގްރާމް ކުޅުދުއްފުށީގަ އާއި ފުވައްމުލަކުގައި ފެށީ ހޯމަ ދުވަހުއެވެ. މީގެ ފަހުން އެ ދެ ހޮސްޕިޓަލުން އުފަންވާ ކޮންމެ ކުއްޖަކަށް ވެސް އެ ހަދިޔާ ލިބޭނެ ކަމަށް އެސްޓީއޯއިން ބުނެއެވެ.
މިއީ ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހުގެ "ފަހުރުވެރި އާއިލާ" ވައުދުފުޅުގެ ދަށުން އެސްޓީއޯއިން ހިންގާ ޕްރޮގްރާމެކެވެ. އެ ޕްރޮގްރާމް ރާއްޖޭގެ ހުރިހާ ހޮސްޕިޓަލެއްގައި ވެސް ހިންގަން އެސްޓީއޯއިން ދަނީ މަސައްކަތް ކުރަމުންނެވެ.
މިހާރު މި ޕްރޮގްރާމް ކުރިއަށްދަނީ ކުޅުދުއްފުށީ ރީޖަނަލް ހޮސްޕިޓަލާއި ފުވައްމުލަކު ހޮސްޕިޓަލުގެ އިތުރުން އައިޖީއެމްއެޗް އާއި ޓްރީޓޮޕް ހޮސްޕިޓަލުގައެވެ.
