ބޮޑު ޖަމާއަތުގެ އިތުރުން މާލެ ސަރަހައްދުގެ 27 މިސްކިތެއްގައި އީދު ނަމާދު ކުރާނެ
މިއަހަރުގެ ފިތުރު އީދު ދުވަހަކީ މާދަމާ
ބޮޑު ޖަމާއަތުގައި އީދު ނަމާދު ކުރަނީ
ބޮޑު ޖަމާއަތުގެ އިތުރުން މާލެ ސަރަހައްދުގެ އިތުރު 27 މިސްކިތެއްގައި ފިތުރު އީދު ނަމާދު ކުރާނެ ކަމަށް އިސްލާމިކް މިނިސްޓްރީން މިއަދު ބުނެފިއެވެ.
އެ މިނިސްޓްރީން ބުނީ އެހެން އަހަރުތަކާ އެއްގޮތަށް މިއަހަރުވެސް މާލެ އާއި ވިލިމާލެ އަދި ހުޅުމާލޭގެ ބައެއް މިސްކިތްތަކުގައި އީދު ނަމާދު މާދަމާ ކުރަން މިނިސްޓްރީން ނިންމާފައިވާ ކަަމަށެވެ.
އެއީ
ބޮޑު ޖަމާއަތުގައި ނަމާދު ކުރަން ތިން މައިދާނެއް މިނިސްޓްރީން ވަނީ ކަނޑައަޅައިފައެވެ. އެއީ މާފަންނު ސްޓޭޑިއަމާއި ވިލިމާލެ ފުޓްބޯޅަ ދަނޑާއި ހުޅުމާލެ ސްޓޭޑިއަމް ސަރަހައްދެވެ.
ބޮޑު ޖަމާއަތުގައި އީދު ނަމާދު ކުރަން ދާ މީހުން ގެއިން ވުޟޫކޮށްގެން ދިއުމަށާއި އަމިއްލަ މުސައްލައަކާއި ފެންފުޅިއަކާއި ފައިވާން ލާނެ ޕްލާސްޓިކް ނޫން ކޮތަޅެއް ގެންދިއުމަށް އިސްލާމިކް މިނިސްޓްރީން ވަނީ އެދިފަ އެވެ.
އީދު ނަމާދު ކުރަން ވަކި މިސްކިތްތަކަކާއި ސަރަހައްދުތަކެއް ކަނޑައަޅައިފައި ވީ ނަމަވެސް މޫސުން ގޯސްވެ ބޮޑު ޖަމާއަތުގައި ނަމާދު ނުކުރެވޭ ހާލަތްތަކުގައި ހުކުރު ނަމާދު ކުރާ ހުރިހާ މިސްކިތެއްގައި ވެސް އީދު ނަމާދު ކުރެވޭނެއެވެ.
މިއަހަރުގެ ފިތުރު އީދު ދުވަހަކީ މާދަމާއެވެ.
