ކުޅެން ގެންގުޅޭ ޑައިނަސޯގެ އެހީތެރިކަމާއެކު ފޮޓޯގްރާފަރަކަށްވި އުމުރުން 11 އަހަރުގެ ކުއްޖާ
30 އެޕްރީލު 2022 | ހޮނިހިރު 11:35ފޮޓޯ ނަގަނީ ކުއްޖާއަށް ލިބޭ ހުސްވަގުތުގައި
ޕީޓަރ ކޮންޑޯރީ ފޮޓޯ ނަގަނީ
ކުޅެން ގެންގުޅޭ ޑައިނަސޯއެއްގެ އެހީތެރިކަމާއެކު އުމުރުން 11 އަހަރުގެ ކުއްޖަކު މިވަނީ ފޮޓޯގްރާފަރަކަށްވެފައެވެ.
ބޮލީވިއާގެ ސޯލްޓް ފްލޭޓޯ ތައް މަތީގައި ޕީޓަރ ކޮންޑޯރީ ފޮޓޯ ނަގާއިރު ބޭނުންކުރަނީ އޭނާ ކުޅެން ގެންގުޅޭ ޑައިނަސޯއެވެ. އެ ފޮޓޯތައް ނަގާފައި ހުންނައިރު އެ ކުޑަ ޑައިނަސޯ ހީވަނީ ވަރަށް ބޮޑު ޑައިނަސޯއެއް ހެންނެވެ. އޭނާ ފޮޓޯ ނަގަނީ ފޯނެއް ބޭނުންކޮށްގެންނެވެ.
އެ ކުއްޖާއަށް ލިބޭ ހުސްވަގުތުގައި ފޮޓޯތައް ނަގާއިރު އޭނާ ބުނީ މިކަން ކޮށްގެން ކޮންމެވެސް ވަރެއްގެ ޕޮކެޓް މަނީއެއް ލިބޭ ކަމަށެވެ. އަދި މި ފައިސާއިން މައިންބަފައިންނަށް ކާއެއްޗެހި ގަންނަން އެހީތެރިވާ ކަމަށް ވެސް އޭނާ ވަނީ ބުނެފައެވެ.
ފޮޓޯ ނަގައިގެން ދުވާލެއްގެ މައްޗަށް 9 ޑޮލަރާއި 15 ޑޮލަރުގެ އަދަދަކަށް ފައިސާ ކޮންޑޯރީއަށް ލިބެއެވެ.
ކޮވިޑާއި ގުޅިގެން ބޮލީވިއާގެ ވެސް ފަތުރުވެރިކަމުގެ ސިނާއަތް ވަނީ އަޑިއަޅާލާފައެވެ. ބޮލީވިއާގެ ސޯލްޓް ފްލޭޓޯ ސަރަހައްދަކީ ފަތުރުވެރިންގެ މެދުގައި މަގްބޫލު މަންޒިލެކެވެ.
ފަތުރުވެރިކަމުގެ ދާއިރާގައި ހަރަކާތްތެރިވާ އެ ގައުމުގެ ދެހާސް އޮޕަރޭޓަރުން ދަނީ ކޮވިޑްއާއި ގުޅިގެން އަޅާފައިވާ ފިޔަވަޅުތަކަށް ލުއިދިނުމަށް ގޮވާލަމުންނެވެ.
