ރޯދަ މަހު ވެމްކޯއިން ކުނި ނަގާނީ ރޭގަނޑު 8ގެ ފަހުން
މާލެ ސަރަހައްދުގައި ރޯދަ މަހު ވެމްކޯގެ ޚިދުމަތްދޭ ގަޑިތައް ވަނީ އާންމުކޮށްފައި
ވެމްކޯއިން ވިލިމާލޭގައި ކުނި ނަގަނީ
ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ)އިން ރޯދަ މަހު ގޭގެއިން ކުނި ނަގާނީ ރޭގަނޑު 8 ގެ ފަހުންކަމަށް އެކުންފުނިން ބުނެފިއެވެ.
ރޯދަ މަހު ވެމްކޯގެ ޚިދުމަތް މާލެ ސަރަހައްދުގައިދޭ ގަޑިތައް ވަނީ އާންމުކޮށްފައެވެ. އެގޮތުން އެ ކުންފުނިން ބުނީ ރޯދަމަހު ގޭބީސީތަކުން ކުނި ނެގުމުގެ ޚިދުމަތްދޭނީ ރޭގަނޑު 8:00ން 00:00 އަށް ކަމަށެވެ. އަދި ވޭސްޓް ޓްރާންސްފާ ސްޓޭޝަންގެ ޚިދުމަތް ކޮންމެ ހޮނިހިރު ދުވަހަކުން ބުރާސްފަތި ދުވަހެއްގެ 09:00ން 17:00 އަށް ފޯރުކޮށްދޭނެއެވެ. ހުކުރުދުވަހު އެ ޚިދުމަތްދޭނީ 14:00ން 17:00 އަށް އަދި 20:00 އިން 01:00 އަށެވެ.
މީގެއިތުރުން އެ ކުންފުނީގެ ކެޕްސްގެ ޚިދުމަތް ރޯދަމަހު ދޭން ހަމަޖެހިފައިވާ ގަޑިތަކަކީ ހޮނިހިރު ދުވަހުން ފެށިގެން ބުރާސްފަތި ދުވަހާ ހަމަޔަށް ހެނދުނު 9:00ން 17:00 އަށް އަދި ރޭގަނޑު 8:00ން 00:00 އާ ހަމައަށެވެ. އަދި ހުކުރު ދުވަހު މެންދުރު ފަހު 2:00ން ފެށިގެން ހަވީރު 17:00 އާ ހަމަޔަށް ޚިދުމަތްދޭއިރު ރޭގަނޑު 8:00ން ފެށިގެން 00:00 އާ ހަމަޔަށްވެސް އެ ޚިދުމަތް ދޭނެ ކަމަށް އެ ކުންފުނިން ބުނެއެވެ.
