ހުކުރު ދުވަހު ޕޮޒިޓިވްވީ 172 މީހުން
11 މާރިޗު 2022 | ހުކުރު 17:24އަތޮޅުތަކުން ޕޮޒިޓިވްވީ 119 މީހުން
ކޮވިޑް-19ށް ޓެސްޓު ކުރަނީ
ހުކުރު ދުވަހު ރާއްޖެއިން އިތުރު 172 މީހުން ކޮވިޑަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމުކޮށްފައިވާ ތަފާސްހިސާބު ދައްކާ ގޮތުން ވޭތުވެދިޔަ 24 ގަޑިއިރު ތެރޭގައި ކޮވިޑް ބައްޔަށް ޕޮޒިޓިވްވި 172 މީހުންގެ ތެރެއިން އަތޮޅުތަކުން ޕޮޒިޓިވްވީ 119 މީހުންނެވެ. މާލެއިން ޕޮޒިޓިވްވެފައިވަނީ 34 މީހުންނެވެ. ރިސޯޓުތަކުން 16 މީހަކު ޕޮޒިޓިވްވެފައިވެއެވެ. މިއާއެކު ރާއްޖެއިން މި ބަލިޖެހުނު މީހުންގެ އަދަދު ވަނީ 174،163 އަށް އަރާފައެވެ.
މިވަގުތު 14،232 މީހަކު ފަރުވާ ހޯދަމުން އަންނައިރު އޭގެތެރެއިން ހޮސްޕިޓަލްގައި އެޑްމިޓްކޮށްގެން ފަރުވާ ހޯދަމުންދަނީ، 4 މީހުންނެވެ. އަދި ޖުމުލަ 159،621 މީހަކު ވަނީ ބަލިން ރަނގަޅުވެފައެވެ.
މި ބަލީގައި މިހާތަނަށް 297 މީހަކު ވަނީ ނިޔާވެފައެވެ.
ރާއްޖޭގެ ކޮވިޑް-19ގެ ޕޮޒިޓިވިޓީ ރޭޓް މިހާރު އެންމެ މަތީގައި ހުރީ އަތޮޅުތެރޭގައި ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވަނީ ބުނެފައެވެ.
