އެމްއެންޑީއެފް ޓްރެއިނިންގ ހަދަން ދިޔަ ޒުވާނެއްގެ ހާލު ސީރިއަސްވެ، އައިސީޔޫގައި

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ޓްރެެއިނިންގ ހަދަން މާފިލާފުއްޓަށް ދިޔަ ޒުވާނެއްގެ ހާލު ސީރިއަސްވެ، މާލެ ގެނެސް އައިޖީއެމްއެޗްގެ އައިސީޔޫގައި ފަރުވާދޭން ފަށައިފިއެވެ.

ރާއްޖެއެމްވީއަށް މައުލޫމާތު ދެމުން އައިޖީއެމްއެޗުން ބުނީ އެމްއެންޑީއެފްގެ ޓްރެއިނިންގ ހަދަން ދިޔަ އުމުރުން 19 އަހަރުގެ ފިރިހެން ޒުވާނަކަށް އެހޮސްޕިޓަލުގެ އައިސީޔޫގައި ފަރުވާ ދެމުންދާ ކަމަށެވެ. ނަމަވެސް އޭނާގެ ހާލު ސީރިއަސްވި ސަބަބު ހާމަކޮށްފައެއް ނުވެއެވެ. މީގެއިތުރުން ޓްރެއިނިންގ ހަދަން ދިޔަ އުމުރުން 21 އަހަރުގެ ޒުވާނަކުވެސް އެހޮސްޕިޓަލުގެ ވޯޑުގައި އެޑްމިޓްކޮށްގެން ފަރުވާދެމުންދާ ކަމަށް އައިޖީއެމްއެޗުން ބުނިއެވެ.

ޓްރެެއިނިންގ ހަދަން މާފިލާފުއްޓަށް ދިޔަ މިޒުވާނާގެ ހާލު ސީރިއަސްވެފައިވާއިރު، މީގެ ކުރިން އެމްއެންޑީއެފްގެ ޓްރޭނިންގ ހަދަން މާފިލާފުއްޓަށް ދިޔަ އުމުރުން 19 އަހަރުގެ ޒުވާނެއް ވަނީ ނިޔާވެފައެވެ. އޭނާ ނިޔާވެފައިވަނީ ނޭވާލުމަށް އުނދަގޫވެގެންނެވެ. އަދި ޅ. ނައިފަރު ހޮސްޕިޓަލަށް ގެންދިޔައިރު ވެސް އެ ޒުވާނާ ނިޔާވެފައިވާ ކަމަށް އާއިލާ އިން ވަނީ މައުލޫމާތު ދީފައެވެ.