އާދީއްތަ ދުވަހު އަތޮޅުތެރެއިން 716 ޕޮޒިޓިވް ކޭސް
14 ފެބުރުއަރީ 2022 | ހޯމަ 04:19މާލޭގެ ޕޮޒިޓިވިޓީ ރޭޓް ހުރީ 13 އިންސައްތާގައި
މާލޭ މަގުމަތި
އާދިއްތަ ދުވަހު މުޅި ރާއްޖެއިން ކޮވިޑަށް ޕޮޒިޓިވްވީ 1030 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭއިން ބުނީ ހޮނިހިރު ދުވަހުގެ އިރުއޮއްސި 6:00 އިން އާދިއްތަ ދުވަހުގެ އިރުއޮއްސި 6:00 އަށް 4,451 ސާމްޕަލެއް ޓެސްޓުކޮށްފައިވާއިރު މާލެ ސަރަހައްދުން ޓެސްޓުކޮށްފައިވަނީ 1،481 ސާމްޕަލެވެ. މީގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 187 މީހުންނާއި, އަތޮޅުތެރެއިން 716 މީހުންނާއި ރިސޯޓުތަކުން 67 މީހުން ކަމަށް އެޗްޕީއޭއިން ބުނެފައިވެއެވެ. އަދި 60 މީހުން ޕޮޒިޓިވްވެފައިވަނީ ކޮން ސަރަހައްދަކުންކަން ދެނެގަނެވިފައިނުވާ ކަމަށް އެޗްޕީއޭ އިން ބުންޏެވެ.
މިއާއެކު ކޮވިޑަށް ޕޮޒިޓިވްވީ މީހުންގެ ޖުމްލަ 159,061 އަށް ވަނީ އަރާފައެވެ. މިވަގުތު އެކްޓިވް ކޭހުގެ ގޮތުގައި 15,910 ކޭހެއް ގުނަމުންދެއެވެ. މީގެތެރެއިން ހޮސްޕިޓަލުގައި އެޑްމިޓުކޮށްގެން ފަރުވާ ދެމުންދަނީ 31 މީހުންނަށެވެ.
މިހާތަނަށް ބަލިން ފަސޭހަވެފައިވަނީ 142,849 މީހުންނެވެ. އަދި 289 މީހުން ވަނީ ބަލީގައި ނިޔާވެފައެވެ.
މިހާރު ފެންނަ ކޮވިޑު ކޭސްތަކުގެ އަދަދު އިތުރުވެފައިވާއިރު, ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަން ދިނުމަށް ކަމާބެހޭ ފަރާތްތަކުން އަންނަނީ ތަކުރާރުކޮށް އިލްތިމާސް ކުރަމުންނެވެ.
