ދާރުލް އާސާރާއި އުތީމު ގަނޑުވަރު ވަގުތީ ގޮތުން ބަންދުކޮށްފި
20 ޖެނުއަރީ 2022 | ބުރާސްފަތި 05:21މި ދެ ތަން ބަންދުކޮށްފައިވަނީ ދެ ހަފްތާގެ މުއްދަތަކަށް
މަލީހާ ރަޝީދު | 20 ޖެނުއަރީ 2022 | ބުރާސްފަތި 05:21
އުތީމް ގަނޑުވަރު
ކޮވިޑްގެ ހާލަތު ގޯސްވުމުގެ ސަބަބުން ދާރުލް އާސާރާއި އުތީމު ގަނޑުވަރު ވަގުތީގޮތުން ބަންދު ކޮށްފިއެވެ.
ދާރުލް އާސާރާއި އުތީމު ގަނޑުވަރު ބަންދުކުރުމަށް ނިންމާފައިވަނީ ކޮވިޑްގެ ހާލަތު މާލޭއާއި އަތޮޅު ތަކުގައިވެސް ވަރަށް ބޮޑަށް ގޯސްވެފައިވާތީ ރައްކާތެރި ކަމުގެ ފިޔަވަޅެއްގެ ގޮތުގައި ކަމަށް ހެރިޓޭޖް މިނިސްޓްރީން މައުލޫމާތުދެއެވެ. މި ދެ ތަން ހެރިޓޭޖް މިނިސްޓްރީން އަންގައިގެން ބަންދުކުރުމަށް ނިންމާފައިވަނީ ޖެނުއަރީ 20ވީ ބުރާސްފަތި ދުވަހުން ފަށާއިގެން ދެ ހަފްތާގެ މުއްދަތަކަށެވެ.
2020 ވަނަ އަހަރު ރާއްޖޭގައި ކޮވިޑްގެ ހާލަތު އެންމެ ގޯސްވީއިރުވެސް ދާރުލް އާސާރާއި އުތީމް ގަނޑުވަރު ބަންދުކުރިއެވެ. މި ދެތަން އަލުން ހުޅުވާފައިވަނީ ހުސްވި 2021 ވަނަ އަހަރުގެ ފަހުކޮޅުއެވެ.
