ތައިލެންޑްގައި ކުރިޔަށްދިޔަ އޯލް ތައިލެންޑް ޓޭބަލް ޓެނިސް ޗެމްޕިއަންޝިޕްގައި ރާއްޖޭގެ އެންމެ މޮޅު އަންހެން ޓޭބަލް ޓެނިސް ކުޅުންތެރިޔާ ފާތިމަތު ދީމާ އަލީ ޑަބަލްސް ބައިން ޗެމްޕިއަންކަން ހޯދައިފިއެވެ.

ތައިލެންޑް މުބާރާތުގެ 15 އަހަރުން ދަށުގެ ޑަބަލަސް ބައިގައި ދީމާގެ ޕާޓްނަރަކީ ތައިލެންޑްގެ ކުޅުންތެރިއެއް ކަމަށް ފެންގްއެވެ. ދީމާ އާއި ފެންގްގެ ޕެއާ ފައިނަލު މެޗުގެ ސެޓުތައް ގެންދިޔައީ 08-11، 09-11 އަދި 07-11 އިންނެވެ.

ކުޅިވަރާއި ބެހޭ ވުޒާރާ އާއި ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް) މެދުވެރިވެ ދީމާ އަންނަނީ ތައިލޭންޑްގައި ތަމްރީނު ހަދަމުންނެވެ. ދީމާ ވަނީ ތައިލެންޑް މުބާރާތުގެ އަންހެން ސިންގަލްސް ބައިން ދެ އުމުރުފުރާއެއްގެ ކުއާޓާ ފައިނަލުގައި ވެސް ވާދަކޮށްފައެވެ. އެއީ 15 އަހަރުން ދަށާއި 17 އަހަރުން ދަށެވެ.

މީގެ ކުރިން ޑިސެމްބަރު މަހު ޕޯޗުގަލްސްގައި ބޭއްވި ވޯލްޑް ޖޫނިއާ ޓޭބަލް ޓެނިސް ޗެމްޕިއަންޝިޕްގައި ދީމާ ވަނީ ވާދަކޮށްފައެވެ. އަދި އެ މުބާރާތުގައި ވެސް ދީމާ ވަނީ ރަނގަޅު ކުރިއެރުންތަކެއް ހޯދައިފައެވެ.

ދުނިޔޭގެ މުބާރާތުގެ މުބާރާތުގެ މިކްސް ޑަބަލްސް ބައިގައި ޗެކް ރިޕަބްލިކްގެ މާޓިން ސިޕްއާ އެކު ކުޅެ ދީމާ ވަނީ އެއް މެޗުން މޮޅުވެފައެވެ. އެކަމަކު، ދުނިޔޭގެ މުބާރާތުގެ މިކްސް ޑަބަލްސް ކުއާޓާ ފައިނަލުން ބަލިވީއެވެ. ވޯލްޑް ޖޫނިއާ ޗެމްޕިއަންޝިޕްގައި، ދީމާގެ އަންހެން ޑަބަލްސް ޕާޓްނަރު ނައިޖީރިއާގެ ސުކުރާތު އަޔުލްބިގަން އަށް ޕޯޗުގަލް އަށް ނާދެވުމުން ދީމާ އަށް އަންހެން ޑަބަލްސް އިވެންޓް މެޗު ނުކުޅެވި، މެޗު ޖެހުނީ ދޫކޮށްލާށެވެ.

މީގެ ކުރިން ދީމާ ވަނީ ނޮވެމްބަރު މަހު އޮމާންގައި ކުރިއަށްދިޔަ ވޯލްޑް ކޮންޓެންޑާ މުބާރާތުގެ 15 އަހަރުން ދަށުގެ ކެޓަގަރީގައި ވާދަކޮށް އެ މުބާރާތުގެ ކުއާޓާ ފައިނަލުގައި ވެސް ވާދަކޮށްފައެވެ.