ބުދަ ދުވަހު ރިސޯޓުތަކުން 60 މީހުން ޕޮޒިޓިވްވެއްޖެ
29 ޑިސެމްބަރު 2021 | ބުދަ 17:16ޖުމްލަ 198 މީހުން ފޮޒިޓިވްވެފައިވޭ
އިންޓަރ ކޮންޓިނެންޓަލް މޯލްޑިވްސް މާމުނަގައު ރިސޯޓް
އަންގާރަ ދުވަހު ރިސޯޓުތަކުން 60 މީހުން ކޮވިޑަށް ޕޮޒިޓިވްވެފައިވާކަމަށް ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފިއެވެ.
އެޗްޕީއޭއިން ބުނީ އަންގާރަ ދުވަހުގެ އިރުއޮއްސި 06:00ން ބުދަ ދުވަހުގެ އިރުއޮއްސި 06:00ށް 3،918 ސާމްޕަލް ޓެސްޓުކޮށްފައިވާ ކަމަށެވެ. މީގެ ތެރެއިން ޕޮޒިޓިވްވީ 198 މީހުންނެވެ. އެއީ މާލެ ސަރަހައްދުން ޕޮޒިޓިވްވި 53 މީހުންނާއި، އަތޮޅުތެރެއިން ޕޮޒިޓިވްވި 85 މީހުންނާއި އަދި ހިންގަމުންދާ ރިސޯޓުތަކުންވެސް ޕޮޒިޓިވްވި 60 މީހުން ކަމަށް އެޗްޕީއޭއިން ބުނެފައިވެއެވެ.
އެޗްޕީއޭއިން ބުނީ މިހާތަނަށް ރާއްޖެއިން ޕޮޒިޓިވްވި މީހުންގެ ޖުމްލަ އަދަދު 95،420އަށް އަރާފައިވާކަމަށެވެ. މިވަގުތު އެކްޓިވް ކޭހުގެ ގޮތުގައި 2،205 ކޭހެއް ގުނަމުންދާކަމަށާއި، މީގެ ތެރެއިން 13 މީހަކަށް ހޮސްޕިޓަލުތަކުގައި އެޑްމިޓުކޮށްގެން ފަރުވާދެމުންގެންދާ ކަމަށް އެޗްޕީއޭއިން ބުނެފައިވެއެވެ.
މިހާތަނަށް ބަލިން ފަސޭހަވި މީހުންގެ ޖުމްލަ 92،940އަށް އަރައެވެ. ބަލީގައި 262 މީހަކު ވަނީ ނިޔާވެފައެވެ.
