ފޭކް ވެކްސިން ކާޑު ހަދާ މައްސަލަ ބަލަނީ
ފޭކް ވެކްސިން ކާޑު ހެދުމަށް ބޮޑު ޚަރަދެއްކުރޭ
ޑރ. އަހުމަދު އަފްޒަލް
ފޭކް ވެކްސިން ކާޑުހަދާ މައްސަލަ ބަލަމުން އަންނަކަމަށް ހެލްތު މިނިސްޓްރީން ބުނެފިއެވެ.
ރާއްޖޭގައި ކޮވިޑްގެ ހާލަތު ހިއްސާކުރުމަށް ހެލްތު މިނިސްޓްރީގައި ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި, އެޕިޑަމޮލޮޖިސްޓް ޑރ. އިބްރާހިމް އަފްޒަލް ވިދާޅުވީ, ވެކްސިން ނުޖަހައި ފޭކް ވެކްސިން ކާޑު ހަދާ މައްސަލަ މިހާރު ބަލަމުން އަންނަ ކަމަށެވެ. އަދި މި މައްސަލަތައް ބެލުމަށްފަހު އަންނަ ނަތީޖާއަކާ ގުޅިގެން އަޅަންޖެހޭ ފިޔަވަޅުތައް އަޅާނެކަމަށް އަފްޒަލް ވިދާޅުވިއެވެ.
ނަމަވެސް މިއީ ބަލަމުންދާ މައްސަލައަކަށް ވާތީ މިކަމާ ގުޅޭ އިތުރު ތަފްސީލެއް އަފްޒަލް ދެއްވާފައެއް ނުވެއެވެ.
ކޮވިޑުން ރައްކާތެރިވުމަށް ޖަހާ ވެކްސިނާ ދެކޮޅު ބައެއް ރާއްޖޭގައިވެސް އުޅެއެވެ. އަދި މިފަދަ ފަރާތްތަކުން އަންނަނީ ބޮޑު އަގުދީފައި ވެކްސިން ޖަހާފައިވާކަމުގެ ލިޔުން ހޯދަމުންނެވެ. މި ފޭކް ކާޑުތައް ހެދުމުގައި އެޗްއީއޯސީއާއި އެޗްޕީއޭގައި މަސައްކަތްކުރާ މީހުންގެ ހިއްސާ އޮންނަ ކްލިނިކްތައްވެސް ހިމެނޭކަމަށް މައުލޫމާތުލިބެއެވެ.
