ކ. މާލެ
|
29 މެއި 2017 | ހޯމަ 03:22
ފަލަސްތީނުގައި ކައިވެންޏެއް ކުރަނީ - ފަލަސްތީނަކީވެސް ވަރި ގިނަ ކަމަށް ފާހަގަ ކުރެވޭ ތަނެއް
ފަލަސްތީނުގައި ކައިވެންޏެއް ކުރަނީ - ފަލަސްތީނަކީވެސް ވަރި ގިނަ ކަމަށް ފާހަގަ ކުރެވޭ ތަނެއް
ގެޓީ އިމޭޖަސް
ރޯދަ މަސް
ރޯދަމަހު ވަރިކުރުން ފަލަސްތީނުގައި މަނާ ކޮށްފި
 
2015 ވަނަ އަހަރު ފަންސާސްހާސް ކައިވެނި ރަޖިސްޓަރީ ކުރެވިފައިވާއިރު އެ އަހަރުގެ ތެރޭގައި އަށްހާހަށްވުރެ ގިނަ ވަރި ރަޖިސްޓަރީ ކޮށްފައިވޭ

ރޯދަ މަހު ވަރިކުރުމުގެ ކަންކަން ކޯޓުތަކުގައި ނުހިންގުމަށް ފަލަސްތީންގެ ފަނޑިޔާރުންނަށް ފަލަސްތީނުގެ އިސްލާމިކް ކޯޓުގެ އިސްފަނޑިޔާރު އަންގަވައިފިއެވެ.

ފަލަސްތީންގެ އިސްފަނޑިޔާރު މަހްމޫދު ހަބާޝް ނެރުއްވި ބަޔާނެއްގައި ވަނީ، ރޯދަ މަހުގެ ތެރޭގައި ނުކައި ނުބޮއި ތިބުމުގެ ސަބަބުން ބައެއް މީހުން ރުޅި ގަދަވެ، ދޫ އިތުރަށް ތޫނުވެގެންދާ ކަން ފާހަގަ ކުރެވޭ ކަމަށާއި، އަދި ވިސްނާ ނުލާ ބުނެވޭ އެއްޗަކުން އަނބި މީހާ ވަރިވުން ފަދަ ކަންކަން ކުރެވި، މުޅި އުމުރަށް އެކަމުގެ ހިތާމަ ކުރަން ޖެހޭ މީހުން އުޅޭކަން ފައިތުވެ ދިޔަ ތާނގައި ފާހަގަ ކުރެވިފައިވާތީ، މި އަމުރުގެ ސަބަބުން އެފަދަ ނޭދެވޭ ކަންކަމުން ދުރުކޮށްދޭނެ ކަމަށެވެ.

ބަނޑުހައި ކަމުގެ ސަބަބުން ރުޅި ގަދަވެ، ކުއްލި ނިންމުންތައް ނިންމާ، މައްސަލަތައް އުފައްދާ މީހުން އުޅޭ ކަމަށާއި، އަދި އެކަމުގެ ސަބަބުން ކައިވެނި ރޫޅިގެންދާތަން އަންނަ ކަމަށްވެސް އޭނާ ނެރުއްވި ބަޔާނުގައި ވެއެވެ.

ފަލަސްތީނުގެ ސަރުކާރުގެ ހިސާބުތަކަށް ބަލާއިރު 2015 ވަނަ އަހަރު ފަންސާސްހާސް ކައިވެނި ރަޖިސްޓަރީ ކުރެވިފައިވާއިރު އެ އަހަރުގެ ތެރޭގައި އަށްހާހަށްވުރެ ގިނަ ވަރި ރަޖިސްޓަރީ ކުރެވިފައިވެއެވެ.

އާއްމު ގޮތެއްގައި ފަލަސްތީނުގައި ވަރި އިތުރުވަނީ ވަޒީފާ ލިބުން ދަތިވުމާއި، ފަގީރު ކަމުގެ ސަބަބުން ކަމަށް ރިޕޯޓުތަކުގައިވެއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ދެލިކޮޕީ
0%
0%
0%
0%
0%
0%
ކޮމެންޓް