2019 ވަނަ އަހަރު ޖަލާލުއްދީން ސްކޫލްގެ މަތީ ސާނަވީ އެންމެ މޮޅު ދަރިވަރަކަށް ހުސެއިން އަދި ސާނަވީން އައިޝަތު
25 ނޮވެމްބަރު 2021 | ބުރާސްފަތި 19:09ޓޮޕް އެޗީވާސްގެ އެވޯޑް 12 ދަރިވަރަކު ވަނީ ހާސިލް ކޮށްފަ
މަތީ ސާނަވީގެ އެންމެ މޮޅު ދަރިވަރު ހުސައިން ޔޫސުފް
ޖަލާލުއްދީން ސްކޫލުގެ 2019 ވަނަ އަހަރުގެ މަތީ ސަނާވީ އެންމެ މޮޅު ދަރިވަރުގެ މަގާމު ހުސެއިން ޔޫސުފް އަދި ސާނަވީ އިމްތިހާނުން އެންމެ މޮޅު ދަރިވަރުގެ މަގާމު އައިޝަތު އަބްދުއްރަހްމާން ހޯދައިފި އެވެ.
މިރޭ ޖަލާލުއްދީން ސްކޫލް ކުރިއަށްގެންދިޔަ 2019ގެ ދަސްވެނިވުމެ ރަސްމިއްޔާތު ޝަރަފުވެރިކޮށްދެއްވާ ހާއްޞަ ވަނަތައް ހާސިލް ކުރި ދަރިވަރުންނަށް ޓްރޮފީ ހަވާލްކޮށްދެއްވީ އެޑިއުކޭޝަން މިނިސްޓްރީގެ ސްޓޭޓް މިނިސްޓަރު އަހުމަދު ރިޔާޒެވެ.
މިރަސްމިއްޔާތުގައި ވާހަކަ ދައްކަވަމުން ޝަރަފްވެރި މެހެމާން ވިދާޅުވީ ކޮންމެ ކަމެއްގައިވެސް ކާމިޔާބީ ހާސިލްކުރުމުގެ ތަޅުދަނޑިއަކީ އިސްލާމްދީނުގެ އަޅުކަންތައް ބަރާބަރަށް އަދާކުރުންމަތީ ދެމިހުރުން ކަމުގައެވެ. އަދި އެގޮތުގައި ދެމިހުރެއްޖެނަމަ އެމީހަކީ ކާމިޔާބު މީހަކަށް ވާނެކަން އެއީ ޔަގީންވާ ކަމެއްކަމުގައި ވިދާޅުވިއެވެ. މީގެ އިތުރުން ޝަރަފްވެރި މެހެމާން ވިދާޅުވީ ސްކޫލްގެ ޖާގައިގެ ދަތިކަން ހައްލުކުރުމަށް އިތުރު ދެކުލާސްބަރި ހެދުމަށް މިހާރު ވަނީ ޓެންޑަ ކުރުމުގެ މަރުހަލާގައެވެ.
މި ހަފްލާގައި ޓޮޕް އެޗީވާސްގެ އެވޯޑް 12 ދަރިވަރަކު ވަނީ ހޯދާފައެވެ. އަދި ސާނަވީ އިމްތިހާނުން ސްކޫލުން އެންމެ މޮޅު ދަރިވަރުންގެ ގޮތުގައި ހޮވުނީ ފާތިމަތު އިނާޝާ އާއި މައީޝާ އަބްދުލް މުހުސިނެވެ. މި ސްކޫލުން ޑިސްޓިންގްޝަން އެވޯޑް 22 ކުއްޖަކު ހޯދާފައިވާއިރު ހަޔާރ ޑިސްޓިންގްޝަން އެވޯޑް 24 ދަރިވަރަކު ވަނީ ހޯދާފައެވެ.
މިރަސްމިއްޔާތުގައި ކުޅުދުއްފުށީ ސިޓީގެ މުއައްސަސާ ތަކުގެ ވެރިންނާއި، ސިވިލް ސާވިސް ކޮމިޝަންގެ ބައެއް ބޭފުޅުން ބައިވެރިވެ ވަޑައިގަތެވެ.
