ށ. މިލަންދޫގައި ނަރުދަމާއާއި ފެނުގެ ޚިދުމަތް މިހާރު ނުދެވިހުރި ހުރިހާ ތަނަކަށް، ހައުސް ކަނެކްޝަން އެޅުމުގެ މަސައްކަތުގެ ކޮންޓްރެކްޓްގައި ސޮއިކޮށް މަސައްކަތް ހަވާލުކޮށްފިއެވެ.

މިއީ މިނިސްޓްރީ އޮފް ނެޝަނަލް ޕްލޭނިން، ހައުސިން އެންޑް އިންފްރާންސްޓްރަކްޗަރއިން، ފެނަކައާ ހަވާލުކޮށްގެން ކުރިއަށް ގެންދާ މަސައްކަތެކެވެ. ފެނަކައިން ބުނާގޮތުން މި މަސައްކަތުގެ ދަށުން 330 ގެއަކަށް 1976 މީޓަރުގެ ނަރުދަމާ އެޅުމާއި، 290 ގެއަކަށް 2176 މީޓަރުގެ ފެން ގުޅުމަށްވަނީ ހަމަޖެހިފައެވެ.

ކުރިއަށް އޮތް 2022 ވަނަ އަހަރަށްވެސް މިލަންދޫގައި 1 މެގަވޮލްޓުގެ އިއާދަ ކުރަނިވި ހަކަތަ އުފެއްދޭ ވަރަށް، ސޯލަރ ޕެނަލް މެދުވެރިކޮށް އަވިން ހަކަތަ ނެގުމުގެ ބޮޑު ޕްރޮޖެކްޓްއެއް ހިންގުމަށް ވަނީ ބަޖެޓްގައި ހިމަނާފައިއެވެ.

ފެނާއި ނަރުދަމާ ކަނެކްޝަން ގުޅުމުގެ މިމަޝްރޫއަށް 15 މިލިއަނަށްވުރެ ގިނަ ރުފިޔާ ޚަރަދުވާނެ ކަމަށް ލަފާ ކުރެވެއެވެ.