ށ. ގޮއިދޫ ކައުންސިލުން އިސްނަގައިގެން ކުރިޔަށްގެންދަން ހަމަޖެހިފައިވާ ނިޔަމި ކޯހުގައި ބައިވެރިވުމުގެ ފުރުސަތު ހުޅުވައިލައިފިއެވެ. 30 ގަޑިއިރުގެ މި ކޯހުގައި ބައިވެރިވުމުގެ ފުރުސަތު ހުޅުވާލައިފައިވަނީ މިއަދު (25 އޮކްޓޯބަރ 2021)އިން ފެށިގެން 4 ނޮވެމްބަރ 2021ވާ ބުރާސްފަތި ދުވަހުގެ 14:00އާ ހަމައަށެވެ. ނަން ނޯޓު ކުރުމާއި ފައިސާ ބަލައިގަތުން ރަސްމީ ކޮންމެ ދުވަހެއްގެ 9:00ން 13:00ށް ށ. ގޮއިދޫ ކައުންސިލް އިދާރާގައި ކުރިޔަށް ދާނެއެވެ. މި ކޯހުގެ ފީއެއްގެ ގޮތުގައި ކަނޑައަޅައިފައިވަނީ 2000 ރުފިޔާ އެވެ.

ށ. ގޮއިދޫ ކައުންސިލްގެ ރައީސް ވިދާޅުވީ މިކޯހުގައި ކޮންމެ މީހަކަށްވެސް ބައިވެރިވެވޭނެ ކަމަށާއި, ގިނަވެގެން ބައިވެރިވެވޭނީ 15 މީހުންނަށްކަމަށެވެ. އަދި މި ކޯހުގައި ކިޔަވަދިނުމަށް ހަމަޖެހިފައިވަނީ މެރިޓައިމް އެކަޑަމީގެ ފަންނީ ބޭފުޅުން ކަމަށާއި, މި ކޯސް ކުރިޔަށް ދާނެ ގަޑި އަދި ކަނޑައެޅިފައި ނުވާކަމަށެވެ. މި ކޯސް ކުރިޔަށް ދާނީ ށ. ގޮއިދޫ ކައުންސިލް އިދާރާގައެވެ.