މޫސުން ގޯސް، ރާއްޖޭގެ ބޮޑު ބަޔަކަށް ވައިޓް އެލާޓް!
18 އޮކްޓޯބަރު 2021 | ހޯމަ 06:45ވައިޓް އެލާޓް ނެރިފައިވަނީ ހޯމަ ދުވަހުގެ ހެނދުނު 10:30ން ހަވީރު 4:30ށް
ރާއްޖޭގެ ހުރިހާ ހިސާބަކަށް މިހާރުދަނީ ވިއްސާރަކުރަމުން،
ބޯކޮށް ވާރޭވެހޭނެ ކަމަށް ލަފާކޮށް، ރާއްޖޭގެ ބޮޑު ބަޔަކަށް ވައިޓް އެލާޓް ނެރެފިއެވެ.
ވައިޓް އެލާޓް ނެރެފައިވަނީ ހޯމަ ދުވަހުގެ ހެނދުނު 10:30ން ހަވީރު 4:30ށެވެ.
މޫސުމާ ބެހޭ ގައުމީ އިދާރާއިން ބުނީ ބޯކޮށް ވާރޭވެހުމާއެކު ގުގުރާނެ ކަމަށާއި، ގަޑިއަކު 22 މޭލާއި 27 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާ ކުރެވޭ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާ ކުރެވޭ ކަމަށެވެ.
މީގެ އިތުރުން މޫސުމާ ބެހޭ ގައުމީ އިދާރާއިން ބުނީ ރާޅުގެ އުސްމިނުގައި 4 ނުވަތަ 7 ފޫޓު ހުންނާނެ ކަމަށެވެ.
ރާއްޖޭގެ މޫސުން ގޯސްވެ ހިތާމަވެރި ކަނޑުމަތީގެ ހާދިސާތައް ދަނީ ހިނގަމުންނެވެ. އެގޮތުން މިދުވަސްވަރު ހުރިހާ މީހުން، ޚާއްސަކޮށް ކަނޑު ދަތުރު ކުރާ މީހުން މޫސުމަށް ވަރަށް ބޮޑަށް ސަމާލުވުމަށް ވަނީ އިލްތިމާސްކޮށްފައެވެ.
