ދަނގެތީގައި އަނިޔާވެރި ގޮތަކަށް މީހަކު މަރާލައިފި
މަރާލާފައިވަނީ މުނަލާޒު، 57 އަހަރުގެ މަހްމޫދު އަބޫބަކުރު
ދަނގެތިން މަރާލި މީހާ
އދ. ދަނގެތީގައި އަނިޔާވެރި ގޮތަކަށް މީހަކު މަރާލައިފިއެވެ.
މަރާލާފައިވަނީ އެ ރަށު މުނަލާޒު، 57 އަހަރުގެ މަހްމޫދު އަބޫބަކުރެއެވެ. ރާއްޖެއެމްވީއަށް މައުލޫމާތު ލިބިފައިވާ ގޮތުގައި އެމީހާ ބޮލަށާއި، ފަޔަށް ގޯއްޏެއް ލައްވައި، ވަޅެއްގައި އެކޮޅުކޮޅުން ވަނީ އެލުވާފައެވެ. އެރަށުގެ ކައުންސިލް ރައީސް މުއާވިއަތު ރަޝީދު ވިދާޅުވީ މަހްމޫދަކީ ވަރަށް ރަނގަޅު މީހެއް ކަމަށާއި، ބޮޑު ވިޔަފާރިވެރިއެއް ކަމަށެވެ. އަދި އޭނާގެ 4 ކުދިން ތިބޭ ކަމަށް މުއާވިއަތު ވިދާޅުވިއެވެ.
މަހިބަދޫއިން މިހާރު ފޮރެންސިކް ޓީމެއް ދަނީ އެރަށަށް ދަތުރުކުރަމުންނެވެ.
ފުލުހުން ބުނީ ދަނގެތީގައި ގޯންޏަކަށް ލައި އެއްލާލައިފައި އޮތް މީހަކު ފެނިފައިވާ ކަމަށް ބުރާސްފަތި ދުވަހު ރިޕޯޓު ކޮށްފައިވާ ކަމަށެވެ.
އެސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
