ޗެމްބަރ ގްރޫޕްގެ ދެވަނަ ފިހާރައެއް ހުޅުވައިފި

ދަ ޗެމްބަރ ގްރޫޕްގެ ދެވަނަ ފިހާރައެއް "ދަ ޗެމްބަރ ސްކޮޔަރ"ގެ ނަމުގައި މާލޭގައި ހުކުރު ދުވަހު ހުޅުވައިފިއެވެ.

މި ފިހާރަ ހުޅުވާފައިވަނީ ޝަހީދު ކުޑަ އާދަމްގެ ކުޑަތުއްތު ހިނގުމުގައެވެ. މި ގްރޫޕްގެ ފުރަތަމަ ފިހާރަ ފިރިހެނުންނަށް ޚާއްސަވެގެން ދިޔަނަމަވެސް، އަލަށް ހުޅުވިގެން ދިޔަ މިފިހާރައަކީ ދެ ޖިންސުގެ މީހުންނައްވެސް ޚާއްސަކޮށް ހުޅުވާފައިވާ ފިހާރައެކެވެ.

ޖާގަ ތަނަވަސްކޮށް، ދެފަންގިފިލާއަކަށް ހުންނަ މި ފިހާރައިގެ ތިރި ޚާއްސަކުރެވިފައިވަނީ އަންހެނުންގެ އަންނައުނު، ފައިވާން، ޝޯލް އަދި އަތްދަބަސް ފަދަ ތަކެއްޗަށެވެ. މަތި ޚާއްސަކޮއްފައިވަނީ ފިރިހެނުންގެ ރަސްމީ ގަމީސް، ފަޓްލޫން، ބޫޓު، ޓައި އަދި ވޮލެޓް ފަދަ ތަކެއްޗަށެވެ.

މި ފިހާރައިގައި ހުންނަ ތަކެއްޗަކީ ކޮލިޓީގެ ގޮތުން ރަނގަޅު ތަކެތިކަމުގައި އެ ފިހާރައިގެ މާކެޓިންގެ މެނޭޖަރ ޢުޘްމާން ޙަސަން ވިދާޅުވިއެވެ. މި ފިހާރަ ހުޅުވިގެން ދިއުމުން ދަ ޗެމްބަރ ފިހާރައިގެ ކަސްޓަމަރުންނަށް އިތުރު ބާވަތްތަކުގެ ތަކެތި ލިބިގެންދާނެކަމަށާއި، މި ކަމަކީ ކަސްޓަމަރުންނަށް ލިބިގެންދާނެ އިތުރު ފަސޭހައެއްކަމަށްވެސް އެ ބޭފުޅާ ވަނީ ވިދާޅުވެފައެވެ.