ބުދަ ދުވަހާއި ބުރާސްފަތި ދުވަހު މޫސުން ރަނގަޅުވާނެ
29 ސެޕްޓެމްބަރު 2021 | ބުދަ 03:52ރާއްޖޭގެ ސަރަހައްދަށް ކުރަމުން ދިޔައީ ހުޅަނގު މޫސުމުގެ ވިއްސާރަަ
ވައި ޖެހޭ ބާރުމިން ވެސް ދަށްވެގެންދާނެ
ބުދަ ދުވަހާއި ބުރާސްފަތި ދުވަހު ރާއްޖޭގެ ސަރަހައްދަށް މޫސުން ރަނގަޅުވާނެކަމަށް މޫސުމާ ބެހޭ ގައުމީ އިދާރާ އިން ބުނެފިއެވެ.
ރާއްޖެޓީވީއަށް ދެއްވި ފޯން އިންޓަވިއުއެއްގައި އެ އިދާރާގެ އެސިސްޓަންޓް މީޓިއޮރޮލޮޖިސްޓް ތަހުމީނާ އަބްދުލް ކަރީމް ވިދާޅުވީ މޫސުން ރަނގަޅުވާނެ ކަމަށް ލަފާ ކުރެވޭއިރު ވައި ޖެހޭ ބާރުމިން ވެސް ދަށްވެގެންދާނެ ކަމަށެވެ. އަދި އާންމުކޮށް ވައިޖެހޭ ބާރުމިނަށް ވައި ދަށްވެގެންދާނެ ކަމަށް ވެސް ވަނީ ލަފާކޮށްފައެވެ.
ރާއްޖޭގެ ސަރަހައްދަށް ކުރަމުން ދިޔައީ ހުޅަނގު މޫސުމުގެ ވިއްސާރަަކަން ފާހަގަކުރައްވައި ތަހުމީނާ ވިދާޅުވީ ވިއްސާރައިގެ ސަބަބުން ރާއްޖޭގެ އެކި ހިސާބުތަކަށް އުދަ އަރާ ގެއްލުންތައް ކުރިމަތިވި ކަމަށެވެ. އަދި މިހާރު ވައި ދަށްވުމާ ގުޅިގެން ރަށްރަށަށް އުދަ އެރުމުގެ ފުރުސަތު ކުޑަވެގެންދާނެ ކަމަށް ވަނީ ވިދާޅުވެފައެވެ.
ރާއްޖެއަށް ފާއިތުވި ތިން ދުވަހު މޫސުން ގޯސްވުމާ ގުޅިގެން ކަނޑުމަތީގެ ތަފާތު ހާދިސާތައް ހިނގައިގެން ރިޕޯޓުކޮށްފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ވަނީ ބުނެފައެވެ. އަދި އެފަރާތްތަކަށް އެމްއެންޑީއެފުން ވަނީ އެހީތެރިކަން ފޯރުކޮށްދީފައެވެ
