މުޅި ރާއްޖެއަށް ވައިޓް އެލަރޓް ނެރެފި
15 ސެޕްޓެމްބަރު 2021 | ބުދަ 13:11ވައިޓް އެލަރޓް ނެރެފައިވަނީ ބުދަ ދުވަހުގެ ހަވީރު 05:00ން ރޭގަނޑު 10 ޖެހުމާއި ހަމައަށް
ރާއްޖޭގެ ހުރިހާ ހިސާބަކަށް ވިއްސާރަ ކުރަމުންދަނީ
މޫސުމާއި ބެހޭ ގައުމީ އިދާރާއިން މުޅި ރާއްޖެއަށް ވައިޓް އެލަރޓް ނެރެފިއެވެ.
އެ އިދާރާއިން ވައިޓް އެލަރޓް ނެރެފައިވަނީ ބުދަ ދުވަހުގެ ހަވީރު 05:00ން ރޭގަނޑު 10 ޖެހުމާއި ހަމައަށެވެ. އެ އިދާރާ އިން ބުނީ ކުރިއަށް މޫސުން ލަފާ ކުރާ ގޮތަށް ބަލާއިރު ރާއްޖޭގެ ހުރިހާ ހިސާބަކަށް ވެސް ވިއްސާރަކޮށް، ބޯކޮށް ވާރޭވެހޭނެ ކަމަށެވެ. އަދި ރާއްޖެއަށް މިހާރު ކުރަމުންދާ ވިއްސާރަ އަކީ މޫސުމީ ވިއްސާރައެއް ކަމަށާއި ހުކުރު ނޫނީ ހޮނިހިރު ދުވަހު މޫސުން ރަނގަޅުވާނެ ކަމަށް ވަނީ ލަފާކޮށްފައެވެ.
ރާއްޖޭގެ އެކި ހިސާބުތަކަށް 13 މޭލާއި 23 މޭލާ ދެމެދުގެ ބާރު މިނެއްގައި ވައިޖެހޭނެ ކަމަށް ވަނީ ލަފާކޮށްފައެވެ.
މޫސުމާއި ބެހޭ ގައުމީ އިދާރާއިން ވަނީ ކަނޑުދަތުރު ކުރާ މީހުން މޫސުމަށް ސަމާލުވުމަށް އިލްތިމާސްކޮށްފައެވެ.
