ގެއްލުނު ލޭންޑިން ކްރާފްޓް ހޯދުމުގައި އިންޑިއާގެ ނޭވީންގެ ހިތްވަރަށް ސަފީރު ތައުރީފް ކުރައްވައިފި
ލޭންޑިންގ ކްރާފްޓް މާރިޔާ 3 ހޯދީ އިންޑިއާގެ މަނަވަރު އައި އެން އެސް ކާޗްގެ މަސައްކަތުން
ގެއްލިގެން ހޯދަމުން ދިޔަ ލޭންޑިން ކްރާފްޓް މާރިއާ3 ހޯދުމުގައި ހަރަކާތްތެރިވީ އިންޑިއާގެ ކަނޑުގެ ސިފައިންގެ މަނަވަރު އައިއެންއެސް ކާޗް
ގެއްލިގެން ހޯދަމުން ދިޔަ ރާއްޖޭގެ ޓަގު ބޯޓު މާރިޔާ 3 އެއް ހޯދުމާއެކު އިންޑިއާ ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު އަކިލޭޝް މިޝްރާ، އިންޑިއާގެ ނޭވީ އަށް ތައުރީފް ކުރައްވައިފިއެވެ. ލޭންޑިން ކްރާފްޓް ހޯދުމުގައި ބައިވެރިވީ، އިންޑިއާގެ މަނަވަރު އައިއެންސް ކާޗް އެވެ. އިންޑިއާ ނޭވީން ހިންގި މި އޮޕަރޭޝަންގައި ރާއްޖޭގެ ޑިފެންސް ފޯސްގެ އޮފިޝަލުންވެސް ހަރަކާތްތެރިވެފައިވެއެވެ.
ކާމިޔާބު މި އޮފަރޭޝަނާ ގުޅިގެން އިންޑިއާގެ މީޑިއާއިން ބުނެފައިވަނީ މިއީ ޒަމާނުއްސުރެ އިންޑިއާ އާއި ދިވެހި ރާއްޖެ އާ ދެމެދު އޮންނަ ގާތް ގުޅުން ރަމްޒު ކޮށްދޭ ކަމެއް ކަމަށެވެ.
އިންޑިއާގެ އޭއެންއައި އަށް ދެއްވި ބަސްދީގަތުމެއްގައި އެމްބެސެޑަރ މިޝްރާ ވިދާޅުވީ، ވަރަށް މޫސުން ގޯސް ދަނޑިވަޅެއްގައި ކާމިޔާބު ކަމާއެކު މި އޮޕަރޭޝަން ހިންގުމުގައި އިންޑިއާގެ ނޭވީ އޮފިސަރުން ދެއްކި ހިތްވަރާއި، ވާޖިބު އަދާ ކުރުމުގައި ދެއްކި ނަމޫނާ އާ މެދު ވަރަށް ފަޚުރުވެރިވެ ވަޑައިގަންނަވާ ކަމަށެވެ.
ގެއްލުނު ލޭންޑިން ކްރާފްޓް ހޯދުމަށް އިންޑިއާގެ އެހީއަށް އެދުމާއެކު، ޑޯނިއާ މަތިންދާ ބޯޓަކާއި، މަނަވަރެއްގެ އެހީ ވަގުތުން ރާއްޖެއަށް ވަނީ ފޯރުކޮށްދީފައެވެ.
ލޭންޑިންގ ކްރާފްޓް ގެއްލުނު އިރު ދަތުރު ކުރަމުންދިޔައީ، ކ. ތުލުސްދޫއިން ފުރައިގެން ލ. ގަމަށެވެ. އުޅަނދުގައި 6 މީހުން ދަތުރު ކުރަމުން ދިޔައެވެ.
ގެއްލިގެން ހޯދަމުންދިޔަ ލޭންޑިންގ ކްރާފްޓް މާރިއާ 3
ލޭންޑިން ކްރާފްޓް ފެނުނީ ހޮނިހިރު ދުވަހުގެ ރޭގެ ވަގުތެއްގައެވެ. އުޅަނދު ފެނުނު އިރު އޭގައި ތިބި އެންމެންގެ ހާލު ރަނގަޅު ކަމަށް މޯލްޑިވްސް ނޭޝަނަލް ޑިފެންސް ފޯސް އިން މައުލޫމާތު ދީފައިވެއެވެ.
