މާލޭގެ ގެއަކުން ހަރުފައެއް ފެނިއްޖެ
5 ސެޕްޓެމްބަރު 2021 | އާދީއްތަ 04:21ދިގުމިނުގައި ތިން ފޫޓް ހުރި
މާލޭގެ ގެއަކުން ފެނުނު ހަރުފަ
މާލޭ ސިޓީގެ ގެއަކުން ތިން ފޫޓުގެ ހަރުފައެއް ފެނިއްޖެއެވެ.
އެމްއެންޑީއެފުން ބުނީ ހޮނިހިރު ދުވަހުގެ މެންދުރުފަހު 3:33 ހާއިރު މާލޭގެ ގެއަކުން ހަރުފައެއް ފެނިގެން ރިޕޯޓުކޮށްފައިވާ ކަމަށެވެ.
މި ހާދިސާއާ ގުޅިގެން އެމްއެންޑީއެފްގެ ފަޔަރއެންޑް ރެސްކިއުޓީމް އެސަރަހައްދުގައި ހަރަކާތްތެރިވެ، އެ ހަރުފަ ފުލުހުންނާ ހަވާލު ކޮށްފައިވާ ކަމަށް އެމްއެންޑީއެފުން ބުނެއެވެ. ދިގުމިނުގައި ތިން ފޫޓް ހުރި މި ހަރުފަ ފެނިފައިވަނީ މ. މަރުދާނުގެއިން ކަމަށް އެމްއެންޑީއެފުން ބުނެއެވެ.
މި ހަރުފައިގެ ވީޑިއޯތައް އެމްއެންޑީއެފްއިން އާންމުކޮށްފައިވާއިރު، މިއީ ކޮން ބާވަތެއްގެ ހަރުފައެއް ކަމެއް އަދި އިތުރު ތަފްސީލެއް ހާމަކޮށްފައެއް ނުވެއެވެ.
މި ދިޔަ ޖޫން މަހުގައި ވެސް މާލޭގެ ގުދަނަކުން ހަރުފައެއްފެނި އެމްއެންޑީއެފްއިން ވަނީ ހަރަކާތްތެރިވެފައެވެ.
