ފޭދޫގެ ކުރީގެ ކްލާސް ރޫމް ބްލޮކެއްގައި ރޯވި އަލިފާންގަނޑު ނިއްވާލައިފި
އަލިފާންގަނޑު ނިއްވާލާފައިވަނީ މެންދަމު 00:39 ހާއިރު
އަލިފާންގަނޑު ނިއްވާލުމަށް ފަޔަރމަނުން ހަރަކާތްތެރިވަނީ،
ށ. ފޭދޫގެ ކުރީގެ ކްލާސް ރޫމް ބްލޮކެއްގައި ރޯވި އަލިފާންގަނޑު ނިއްވާލައިފިއެވެ.
އެމްއެންޑީއެފުން ބުނީ ފޭދޫގައި ހުންނަ ކުރީގެ ސްކޫލް ކްލާސް ރޫމް ބްލޮކެއްގައި އަލިފާން ރޯވެގެން އެމްއެންޑީއެފް ކުޅުދުއްފުށި ފަޔަރ ސްޓޭޝަނުން ހަރަކާތްތެރިވެ އަލިފާންގަނޑު ނިއްވާލާފައިވާ ކަމަށެވެ.
އެމްއެންޑީއެފުން ބުނީ މި ހާދިސާގެ މައުލޫމާތު އަންގާރަ ދުވަހުގެ ރޭ 10:47 ހާއިރު ކުޅުދުއްފުށީ ފަޔަރ ސްޓޭޝަނަށް ލިބުމާއެކު އެ ސްޓޭޝަންގެ ސިފައިން ހަރަކާތްތެރިވާން ފަށާފައިވާ ކަމަށެވެ. އަދި ފަޔަރމަނުން ކުރި މަސައްކަތުން ރޯވެފައިހުރި އަލިފާންގަނޑު ނިއްވާލާފައިވަނީ މެންދަމު 00:39 ހާއިރު ކަމަށް އެމްއެންޑީއެފުން ބުނެއެވެ.
މި ހާދިސާގެ ސަބަބުން ސްކޫލުގެ 3 ކުލާސް ރޫމް ވަނީ ވަރަށް ބޮޑަށް އަނދާފައެވެ. ނަމަވެސް އެއްވެސް މީހަކަށް އަނިޔާއެއް ލިބިފައެއް ނުވެއެވެ.
އަލިފާން ރޯވި ސަބަބެއް ވެސް އެމްއެންޑީއެފުން އަދި ހާމަކޮށްފައެއް ނުވެއެވެ.
