ރަށްރަށުން ރިޕޯޓްކުރާ ކޭސްތަކުގެ އަދަދު އިތުރުވާން ފަށައިފި

ރަށްރަށުން ރިޕޯޓްކުރަމުން އަންނަ ކޭސްތަކުގެ އަދަދު އިތުރުވާން ފަށާފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާންމުކުރި ތަފާސް ހިސާބުތަކުން ދައްކައިފިއެވެ.

އެޗްޕީއޭއިން އާންމުކުރި ތަފާސް ހިސާބުތައް ދައްކާ ގޮތުން ބުދަ ދުވަހުގެ ހަވީރު 6:00ން ބުރާސްފަތި ދުވަހުގެ ހަވީރު 6:00ށް ނެގި 6072 ސާމްޕަލްގެ ތެރެއިން ޕޮޒިޓިވްވެފައިވަނީ 122 މީހުންނެވެ. އެއީ މާލެއިން ޕޮޒިޓިވްވި 24 މީހުންނާއި، ރަށްރަށުން ޕޮޒިޓިވްވި 81 މީހުންނާއި، ރިސޯޓްތަކުން ޕޮޒިޓިވްވި 17 މީހެކެވެ.

މި 24 ގަޑިއިރުގެ ތެރޭގައި 106 މީހަކު ވަނީ ބަލިން ރަނގަޅުވެފައެވެ. އެކްޓިވް ކޭސްގެ ގޮތުގައި މިހާރު ހުރީ 2587 މީހެކެވެ. މީގެ ތެރެއިން 11 މީހަކަށް އަންނަނީ ހޮސްޕިޓަލުގައި ފަރުވާދެމުންނެވެ. ހޮސްޕިޓަލުގައި ފަރުވާ ދެމުން އަންނަ މީހުންގެ ތެރެއިން އެކަކު ވަނީ ބުދަ ދުވަހު ދޫކޮށްލާފައެވެ.

ބުދަ ދުވަހުގެ އަދަދުތަކާއެކު ރާއްޖެއިން މިހާތަނަށް 76،454 މީހަކު ވަނީ ކޮވިޑަށް ޕޮޒިޓިވްވެފައެވެ. މީގެ ތެރެއިން 73،637 މީހަކު ވަނީ ބަލިން ރަނގަޅުވެފައެވެ. މި ބަލީގައި ނިޔާވި މީހުންގެ އަދަދު ވަނީ 218ށް އަރާފައެވެ.

ފާއިތުވި ހަފްތާގެ ތަފާސް ހިސާބުތަކަށް ބަލާއިރު، 15 ވަނަ ދުވަހު ނެގި 5739 ސާމްޕަލްގެ ތެރެއިން ޕޮޒިޓިވްވި 217 ސާމްޕަލްގެ ތެރެއިން އަތޮޅު ތެރެއިން 88 މީހުން ވަނީ ޕޮޒިޓިވްވެފައިވެއެވެ. 16 ވަނަ ދުވަހު ނެގި 7101 ސާމްޕަލްގެ ތެރެއިން 114 މީހުން ޕޮޒިޓިވްވި އިރު، އަތޮޅު ތެރެއިން 82 ސާމްޕަލް ވަނީ ޕޮޒިޓިވްފައެވެ. 17 ވަނަ ދުވަހު ނެގި 6928 ސާމްޕަލްގެ ތެރެއިން ޕޮޒިޓިވްވި 80 ސާމްޕަލްގެ ތެރެއިން އަތޮޅު ތެރެއިން 56 ސާމްޕަލް ވަނީ ޕޮޒިޓިވްފައެވެ.

މި ހަފްތާ ފެށިގެން 18 ވަނަ ދުވަހު ނެގި 5327 ސާމްޕަލްގެ ތެރެއިން 63 ސާމްޕަލް ނަގާފައިވާ އިރު، އެ ދުވަހު އަތޮޅު ތެރެއިން ޕޮޒިޓިވްވި ކޭސްތައް ދަށްވެގެން ދިޔައެވެ. އެދުވަހު 28 މީހަކު ޕޮޒިޓިވްވި އިރު، ޖެހިގެން އަދި 19 ވަނަ ދުވަހު 4932 ސާމްޕަލް ނަގާ ޓެސްޓް ކުރި އިރު ޕޮޒިޓިވްވި 169 ސާމްޕަލްގެ ތެރެއިން އަތޮޅު ތެރެއިން ޕޮޒިޓިވްވީ 127 މީހުންނެވެ. އަދި 20 ވަނަ ދުވަހު ނެގި 6138 ސާމްޕަލްގެ ތެރެއިން 144 ސާމަޕްލް ނެގި އިރު 72 މީހަކު ޕޮޒިޓިވްވީ އަތޮޅު ތެރެއިންނެވެ. ބުރާސްފަތި ދުވަހު ރިޕޯޓް ކޮށްފައިވާ ކޭސްތަކުގެ ތެރެއިން ވެސް އަތޮޅު ތެރޭގެ ކޭސްތައް އިތުރެވެ.