ނައިފަރުން ކޮވިޑް-19ށް ޕޮޒިޓިވްވި ގިނަ މީހުން ބަލިން ރަނގަޅުވެއްޖެ
4 ޖޫން 2021 | ހުކުރު 07:4325 އެކްޓިވް ކޭސް ހިމެނޭއިރު، 868 މީހަކު ބަލިން ރަނގަޅުވެފައިވޭ
ޅ.ނައިފަރު، ބަލި ކޮންޓްރޯލް ކުރުމުގެ ގޮތުން ގިނަ ފިޔަވަޅުތަކެއް އަޅާފައިވޭ
ޅ. ނައިފަރުން ކޮވިޑް-19ށް ޕޮޒިޓިވްވި ގިނަ މީހުން ބަލިން ރަނގަޅުވެއްޖެއެވެ.
ޅ. އަތޮޅު ހޮސްޕިޓަލުން އާއްމުކޮށްފައިވާ ތަފާސްހިސާބުތައް ދައްކާ ގޮތުން މިހާތަނަށް 897 މީހަކު ޕޮޒިޓިވްވެފައިވެއެވެ. 25 އެކްޓިވް ކޭސް ހިމެނޭއިރު، 868 މީހަކު ބަލިން ރަނގަޅުވެފައިވެފައިވެއެވެ.
އެ ހޮސްޕިޓަލުން ބުނީ މިހާތަނަށް 4392 ސާމްޕަލެއް ނަގާފައިވާ ކަމަށާއި، 16 ސާމްޕަލެއްގެ ނަތީޖާ ނުލިބޭ ކަމަށެވެ.
މި ބަލީގައި އެރަށުން 4 މީހަކު ނިޔާވެފައިވެއެވެ.
ކޮވިޑް-19 ކޮންޓްރޯލް ކުރުމަށް ގިނަ ފިޔަވަޅުތަކެއް އަޅާފައިވާއިރު، ވެކްސިނޭޝަން ޕްރޮގްރާމްގެ ވެސް އެރަށުގައި ކުރިއަށް ގެންދެއެވެ. އެގޮތުން މިހާތަނަށް 2854 މީހަކު ވަނީ ފުރަތަމަ ޑޯޒު ޖަހާފައެވެ. އަދި 1688 މީހަކު ދެވަނަ ޑޯޒު ޖަހާފައިވެއެވެ. ބަލި ކޮންޓްރޯލް ކުރުމަށް ކުރަމުންދާ މަސައްކަތުގައި އާއްމު ރައްޔިތުންގެ ފަރާތުން ވަރަށް ބޮޑު އެއްބާރުލެއް ލިބޭ ކަމަށާއި، އަޅާފައިވާ ފިިޔަވަޅުތަކާއި ގައިޑްލައިންއަށް ގިނަ ރައްޔިތުން އަމަލުކުރަމުންދާ ކަމަށް އެހޮސްޕިޓަލުން ބުނެއެވެ.
ނައިފަރުން ކޮވިޑްގެ ކޭސްތަކެއް ފެނުމާ ގުޅިގެން އެރަށް މޮނިޓަރިންއަށް ލާފައިވަނީ މާރޗް މަހުގެ 23 ވަނަ ދުވަހުއެވެ. އެ ރަށުން އެންމެ ފުރަތަމަ ޕޮޒިޓިވްވީ ރަށު ހޮސްޕިޓަލުގެ މުވައްޒަފެކެވެ.
