މާލެ ސަރަހައްދުގައި ހުރި ސާމްޕަލް ނަގާ ސެންޓަރުތަކުން ޚިދުމަތްދޭ ވަގުތުތަކަށް ބަދަލު ގެނެސްފި
2 ޖޫން 2021 | ބުދަ 03:25ކުޑަ އަލާމާތެއް ފެނުނަސް ޓެސްޓު ކުރުމަށް ވަނީ އިލްތިމާސްކޮށްފައި
ކޮވިޑްއަށް ޓެސްޓު ކުރުމަށް ސާމްޕަލް ނަގަނީ، މިވަގުތަށް އޮތީ ރެމްޑަމް ސާމްޕަލް ނެގުން މެދުކަނޑާލާފައި
މާލެ ސަރަހައްދުގައި ގާއިމުކޮށްފައިވާ ކޮވިޑް-19ށް ޓެސްޓުކުރުމަށް ސާމްޕަލް ނަގާ ސެންޓަރުތަކުން، ސާމްޕަލް ނަގައިދޭ ގަޑިތަކަށް ބަދަލު ގެނެސްފައިވާ ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނެފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ހ. މުނި އުފާއިން ހޮނިހިރު ދުވަހުގެ ހެނދުނު 9:00ން ރޭގަނޑު 8:00ށް، އަދި ހުކުރު ދުވަހުގެ މެންދުރު 2:00ން ރޭގަނޑު 8:00ށް ސާމްޕަލް ނެގޭނެ ކަމަށެވެ. ސޯޝަލް ސެންޓަރުން ވެސް ހޮނިހިރު ދުވަހުގެ ހެނދުނު 9:00ން ރޭގަނޑު 8:00ށް އަދި ހުކުރު ދުވަހުގެ މެންދުރު 2:00ން ރޭގަނޑު 8:00ށް ސާމްޕަލް ނެގޭނެ ކަމަށް އެޗްޕީއޭއިން ބުނެއެވެ.
މީގެ އިތުރުން ހުޅުމާލޭގައި ހުންނަ ފްލޫ ކްލިނިކުން ސާމްޕަލް ނަގައިދިނުމަށް ހަމަޖެހިފައިވަނީ ހޮނިހިރު ދުވަހުގެ މެންދުރު 1:00ން ރޭގަނޑު 8:00ށް އަދި ހުކުރު ދުވަހުގެ މެންދުރު 2:00ން ރޭގަނޑު 8:00ށް ޚިދުމަތް ލިބޭނެ ކަމަށް އެޗްޕީއޭއިން ބުނެއެވެ. އަދި ވިލިމާލެ ފްލޫ ކްލިނިކުން މެންދުރު 2:30ން ހަވީރު 4:00ށް ސާމްޕަލް ނެގޭނެ ކަމަށް އެޗްޕީއޭއިން ބުނެއެވެ.
ރާއްޖެއަށް ކޮވިޑް-19ގެ ހަތަރު ވަނަ ރާޅެއް އަރާފައިވާއިރު މެއި މަސް ފެށުނު ފަހުން ދުވާލެއްގެ މައްޗަށް ރާއްޖޭގައި ކޮވިޑް ޖެހޭ މީހުންގެ އަދަދު އަންނަނީ ރިކޯޑް މިންވަރަކަށް އިތުރުވަމުންނެވެ. އަދި މިބަލީގައި ނިޔާވާ މީހުންގެ އަދަދު ވެސް ވަނީ އިތުރުވެފައެވެ.
މިއަދަދުތައް މައްޗަށް ގޮސް ރާއްޖޭގެ ހާލަތު ގޯސްވަމުންދާއިރު ކިތަންމެ ކުޑަނަމަވެސް އަލާމާތެއް ފެނިއްޖެ ނަމަ ސާމްޕަލް ނަގައި ޓެސްޓު ކުރުމަށް ސިއްހީ ޚިދުމަތްތެރިން ދަނީ ތަކުރާރުކޮށް އިލްތިމާސް ކުރަމުންނެވެ،
