ފުލުހުންގެ ޚިދުމަތާ ގުޅިފައިވާ ފުލުހުންނާއި ސްޕެޝަލް ކޮންސްޓެބުލަރީ ފުލުހުން ހުވާކޮށްފި
30 މެއި 2021 | އާދީއްތަ 08:16ހުވާލައިދެއްވީ އައްޑޫ ސިޓީ ޖުޑިޝަރީ ދާއިރާގެ އިސް މެޖިސްޓްރޭޓް މުހައްމަދު ހާޝިމް
ފުލުހުން ހުވާކުރި ރަސްމިއްޔާތުގެ ތެރެއިން
ފުލުހުންގެ ޚިދުމަތާ ގުޅިފައިވާ ފުލުހުންގެ ތެރެއިން ހުވައި ނުކޮށްތިބި ފުލުހުންނާއި، ސްޕެޝަލް ކޮންސްޓެބުލަރީ ފުލުހުން ހުވައިކޮށްފިއެވެ.
ހޮނިހިރު ދުވަހު އައްޑޫ ހައި ސްކޫލުގެ ހޯލްގައި ކުރިއަށް ގެންދިޔަ ރަސްމިއްޔާތުގައި ފުލުހުންނަށް ހުވައި ލައިދެއްވީ އައްޑޫ ސިޓީ ޖުޑިޝަރީ ދާއިރާގެ އިސް މެޖިސްޓްރޭޓް މުހައްމަދު ހާޝިމެވެ.
އެ ރަސްމިއްޔާތުގައި ހުވައި ކޮށްފައިވަނީ އައްޑޫ ސިޓީ އިކުއެޓޯރިއަލް ހޮސްޕިޓަލުގެ ސެކިއުރިޓީ ބެލެހެއްޓުމަށް، ސްޕެޝަލް ކޮންސްޓަބްލަރީ ކޮންސްޓަބަލް 20 ފިރިހެން ފުލުހުންނާއި ފަސް އަންހެން ފުލުހުންނެވެ. އަދި މާލޭގައި މަސައްކަތްކުރާ 15 ފިރިހެން ފުލުހުންނާއި ފަސް އަންހެން ފުލުހަކު އޮންލައިންކޮށް ރަސްމިއްޔާތުގައި ބައިވެރިވެ ހުވައި ކޮށްފައިވެއެވެ.
ހުވައިކޮށް ނިމުމަށްފަހު ކޮންމެ ފުލުހަކު ވެސް ވަނީ އިގުރާރުގައި ސޮއިކޮށްފައެވެ.
