ޔޫރޮޕާ ލީގުގެ ސެމީ ފައިނަލުގެ ދެވަނަ ލެގުގައި ސްޕެއިންގެ ސެލްޓަވިގޯ އާ ދެކޮޅަށް މެންޗެސްޓަރ ޔުނައިޓެޑް ކުޅޭ މެޗަކީ އެކުލަބުގެ ތާރީޚުގައިވެސް މުހިތްމު މެޗެއް ކަމަށް ކޯޗް ހޯސޭ މޮރީނިއޯ ބުނެފިއެވެ.
ދެ ޓީމުގެ ފުރަތަމަ ކުރިމަތިލުން ކާމިޔާބުކޮށްފައިވަނީ މާކަސް ރަޝްފޮޑް ކާމިޔާބުކޮށްދިން ލަނޑަކާއެކު ޔުނައިޓެޑުންނެވެ. އެހެން ބުރާސްފަތި ދުވަހުގެ ޔުނައިޓެޑްގެ އޯލްޑްޓްރެފޮޑްގައި ކުޅޭ މެޗުގައި އެކުލަބަށް އޮތް ފައިދާ ބޮޑެވެ.
މޯރީނިއޯ ޤަބޫލުކުރާ ގޮތުގައި ސްވިޑެންގެ ސްޓޮކްހޯމްގައި އޮންނަ ޔޫރޮޕާ ލީގުގެ ފައިނަލަށް ދިޔުމަށް ސެލްޓްވިގޯ އިން ކުރަމުންދާ ހަނގުރާމަ ވަރަށް ވަރުގަދަވާނެއެވެ.
ފައިނަލަށް ގޮއްސިނަމަ ޔުނައިޓުން ކުޅެންޖެހޭނީ އަޔެސްއާ ނުވަތަ ލިޔޯންއާއެވެ.
އިނގިރޭސި ލީގު ތާވަލްގެ ހަވަނައިގައި އޮތް ޔުނައިޓެޑްގެ ކޯޗު މޮރީނިއޯ ބުނީ އިނގިރޭސި ޕްރިމިއާ ލީގަށް ވުރެ ބޮޑަށް ޔުރޮޕާ ލީގަށް އިސްކަންދޭ ކަމަށެވެ. އަދި އެގޮތަށް ނިންމީ ވަރަށް ވިސްނާފައި ކަމަށް އޭނާ ބުންޏެވެ.
މޮރީނިއޯ ބުނީ ފުރަތަމަ ލެގުގައި ސެލްޓަ އަތުން މޮޅުވުމުން ކުޑަ ހިތްހަމަ ޖެހުމެއް ލިބޭ ކަމަށާއި ފައިނަލްއަށް ދިޔުމަށް ކޮންމެވެސް ވަރެއްގެ އެޑްވާންޓޭޖެއް އޮތް ކަމަށެވެ.
ބުރާސްފަތި ދުވަހުގެ ރޭގެ މެޗަށް ޔުނައިޓުން ނުކުންނައިރު އެޓީމުގެ އެންމެ މުހިތްމު އެއް ކުޅުންތެރިއެއް ކަމަށްވާ ޕޮގްބާގެ ޓްރާންސްފަރ ގުޅޭ ތަހުގީގެއް ފީފާއިން އަންނަނީ ކުރަމުންނެވެ.
މޮރީނިއޯ ބުނީ އެތަހުޤީގު ހިނގަމުންދިޔަސް އެކަމުގެ އެއްވެސް ނޭދެވޭ އަސަރެއް ޕޮގްބާއަކަށް ނުކުރާނެ ކަމަށާއި އޭނާގެ ފަރާތުން ރަނގަޅު ކުޅުމެއް ފެނިގެންދާނެ ކަމަށް އުއްމީދު ކުރާ ކަމަށެވެ.
އަނެއްކޮޅުން މިމެޗަށް ޔުނައިޓެޑުން ނުކުންނައިރު، އަނިޔާގައި ހުރި އެންޓޯނިއޯ ވެލެންސިއާ މުޅިން ފިޓްވެ . މިމެޗުގައި ފެނުމުގެ އުއްމީދު ވަރަށް ބޮޑެވެ.
