ރާއްޖެ
ޒަހަމްތަކަކާއިއެކު ވެއްޓިފައި އޮތް މީހާގެ މައްސަލަ
ޒަހަމްތަކަކާއިއެކު ވެއްޓިފައި މީހަކު އޮތް މައްސަލަ ދަނީ ބަލަމުން – ފުލުހުން
މި މައުލޫމާތު ފުލުހުންނަށް ލިބުނީ ބުރާސްފަތި ދުވަހުގެރޭ ދަންވަރު 03:00 ހާއިރު
އަތޫފް އާތިފް, ރާއްޖެ އެމްވީ | 21 މެއި 2021 | ހުކުރު 22:29
ޕޮލިސް ހެޑް ކުއާޓަރ، ޝަހީދު ހުސެއިން އާދަމް ބިލްޑިންގ
ބުރާސްފަތި ދުވަހުގެރޭ ދަންވަރު 03:00 ހާއިރު ހުޅުމާލެއިން ޒަހަމްތަކަކާއިއެކު ވެއްޓިފައި އޮތް މީހާގެ މައްސަލަ އަންނަނީ ބަލަމުން ކަމަށް ފުލުހުން ބުނެފި އެވެ.
މޯލްޑިވްސް ޕޮލިސް ސާވިސް އިން ބުނީ ހުޅުމާލެ ނިރޮޅު މަގު 6 ނަމްބަރު ގޯޅީގައި ޒަހަމްތަކަކާއިއެކު ވެއްޓިފައި އޮތް މީހެއްގެ މައުލޫމާތު ފުލުހައް ލިބިފައިވަނީ ބުރާސްފަތި ދުވަހުގެރޭ 03:00 ހާއިރު ކަމަށާއި، ވެއްޓިފައި އޮތީ 21 އަހަރުގެ ދިވެހި ފިރިހެނެއް ކަމަށެވެ. އަދި އެ މީހާ އައިޖީއެމްއެޗް އަށް ގެންދިޔައިރުވެސް ހޭވެރިކަން ނެތް ކަމަށް ފުލުހުން ވަނީ ބުނެފައެވެ.
ފުލުހުން ބުނީ މި މައްސަލަ ތަހުގީގު ކުރަމުން އަންނަ ކަމަށެވެ.
